Sunday, June 20, 2021

కాలెండర్

గడియారం 12 గంటలు కొట్టింది.

కాగితం చించి చెత్త బుట్టలో వేసా…

అదే ఆఖరి కాగితం…

నవ్వా,

నాతో పాటు ఇప్పుడే బయటపడ్డ

గోడమీది సున్నము పకపకా నవ్వింది.

“చచ్చావుపో ఇంతకాలానికి. చివరికి నేనే గెలిచా!”

కాస్త విజయ గర్వంతో అరిచా.

ఆమె మూలుగులు, లోగొంతుకతో ఏవో గుసగుసలు,

భారమైన నిట్టూర్పులు విడుస్తూనేఉంది.

నేను తల తిప్పి చూడలేదు…నాకేం జాలి కలగలేదు…

అబద్దాలు, అన్ని అబద్దాలు ఆమె చెప్పినవి.

ఇచ్చిన మాట ఎప్పుడు నిలుపుకుంది?

కాస్త ఓరగా చూసా… బొద్దింకలు, ఇంకా ఏవో పురుగులు

 తనను తీరిక గా తినడం ప్రారంభించాయి.

అవును…ఇప్పుడు తను ముక్కలు, ముక్కలు అవుతోంది…

బాధతో మూలుగుతోంది… ఆఖరి ఊపిరి అందక ఉక్కిరిబిక్కిరి అవుతోంది.

అయిపోయింది, ఆమె జీవితం ముగిసింది.

కొత్త కాలెండర్ తీసి చీలకు తగిలించి వెనుకకు తిరిగా.

“ఖచ్చితంగా మీకు శుభం జరుగుతుంది!”

వెనుకనుంచి మెల్లగా గునిసింది.

కోపంతో నా ముఖం ఎర్రపడ్డది.

Also read: కర్మ ఫలం

Also read: నిశ్శబ్ద గీతిక

Also read: జ్ఞాపకాలు

Also read: నీకు దగ్గరగా

Also read: ప్రళయం

Also read: కూలి

MAHATHI
మైదవోలు వేంకటశేష సత్యనారాయణ కలం పేరు మహతి. ఆయన ఇంగ్లీషులో ప్రఖ్యాతిగాంచిన కవి. భారతీయ ఇతిహాసాన్నీ, పురాణాలనూ తన సుదీర్ఘమైన గేయాల ద్వారా ప్రపంచంలో, ముఖ్యంగా పాశ్చాత్య దేశాలలో ప్రచారం చేసే మహాప్రయత్నంలో ఉన్నారు. ఛందోబద్ధంగా ప్రాచీన శైలిలో గేయాలు రాయడానికి ఇష్టపడతారు. స్వేచ్ఛాగీతాల రచనకు విముఖులేమీ కాదు. ‘ఫైండింగ్ ద మదర్ (శ్రీ సుందరకాండ),’ ‘హరే కృష్ణ,’ ‘ఓషన్ బ్లూస్,’ ‘ద గాంజెస్ అండ్ అదర్ పోయెమ్స్’ వంటి గ్రంథాలు ఆయనకు గొప్ప పేరుప్రఖ్యాతులు తెచ్చిపెట్టాయి. జాతీయ, అంతర్జాతీయ పత్రికలలో ఆయన రచనలు అనేకం ప్రచురితమైనాయి.

Related Articles

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -

Latest Articles