Monday, June 24, 2024

జ్ఞాపకాలు

కాలం నివురు క్రింద భగభగ మండుతున్న జ్ఞాపకాలు.

ఒక్క శిథిల క్షణం నుంచి

 ప్రాణం పోసుకున్న ఒక  మృత స్మృతి

 క్రూర ప్రభంజనమై వీస్తుంది.

రేగిపోయిన భస్మ రేణువుల

వెనుక నుండి రెండు అగ్ని బాష్పాలు…

అదేమో గతించిన వసంత కుసుమాల

సుగంధం గుర్తుకు రాదు,

వేధించిన వేసవి గాడ్పుల

పునః పునః ప్రహారాలు తప్ప!

ఏవి ప్రేమ లేఖలు మోసిన అప్పటి మేఘ దూతికలు

చుట్టూ వికృత నాట్యం చేస్తున్న

విగత శరదృతు పత్రాలు కాక!

దయలేనిది కాల సముద్రం…

ఇచ్చినదెప్పుడు దాచుకున్న రత్న రాసులు…

దారుణ బడబాగ్ని కీలలు,

దుర్భర క్షార నీర రుచులు తప్ప.

Also read: కర్మ ఫలం

Also read: నిశ్శబ్ద గీతిక

MAHATHI
MAHATHI
మైదవోలు వేంకటశేష సత్యనారాయణ కలం పేరు మహతి. ఆయన ఇంగ్లీషులో ప్రఖ్యాతిగాంచిన కవి. భారతీయ ఇతిహాసాన్నీ, పురాణాలనూ తన సుదీర్ఘమైన గేయాల ద్వారా ప్రపంచంలో, ముఖ్యంగా పాశ్చాత్య దేశాలలో ప్రచారం చేసే మహాప్రయత్నంలో ఉన్నారు. ఛందోబద్ధంగా ప్రాచీన శైలిలో గేయాలు రాయడానికి ఇష్టపడతారు. స్వేచ్ఛాగీతాల రచనకు విముఖులేమీ కాదు. ‘ఫైండింగ్ ద మదర్ (శ్రీ సుందరకాండ),’ ‘హరే కృష్ణ,’ ‘ఓషన్ బ్లూస్,’ ‘ద గాంజెస్ అండ్ అదర్ పోయెమ్స్’ వంటి గ్రంథాలు ఆయనకు గొప్ప పేరుప్రఖ్యాతులు తెచ్చిపెట్టాయి. జాతీయ, అంతర్జాతీయ పత్రికలలో ఆయన రచనలు అనేకం ప్రచురితమైనాయి. కవి ఫొన్ నంబర్ +91 83093 76172

Related Articles

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -spot_img

Latest Articles