Monday, May 27, 2024

అట, అకటా

ఆమె ముఖం నిండు చంద్రుడు  అట,

కళ్ళు అరవిందాలు, చెక్కిళ్ళు గులాబీలు.

పెదవులు దొండపండ్లు,

పిరుదులు ఇసుక తిన్నెలు… అట.

అకటా, అది ఎప్పటి మాట!

మూడు దశాబ్దాల గతం

కాల శైలం క్రింద నలిగిపోయింది.

అప్పుడు కట్టిన కంద పద్యాలు,

పాడిన గజల్సు,  ఇప్పుడు గుర్తు లేవు,

గుర్తు రావు కూడా.

ఇప్పుడామె పిరుదులు గాలి తిత్తులు,

అధరాలు ఘాటైన శొంటి కొమ్ములు,

చెక్కిళ్ళ చెక్క ముక్కలు,

కళ్ళు బడబాగ్ని గుండాలు, ముఖం సినీవాలి.

అతని గొంతు పెగలదు  అంతగా ఇప్పుడు.

గుండెలోనే గుడు గుడు మని గొణుగు తాడు.

ఆమె కళ్ళెర్ర జేసినపుడు దేవ్యపరాధ స్తోత్రం

నోరు చేసుకున్నప్పుడు ఆంజనేయ దండకం.

Also read: మందల

Also read: లోహ(క)పు బిందె

Also read: ఇల్లు

Also read: జ్ఞాపకాలు

Also read: ఆమె

MAHATHI
MAHATHI
మైదవోలు వేంకటశేష సత్యనారాయణ కలం పేరు మహతి. ఆయన ఇంగ్లీషులో ప్రఖ్యాతిగాంచిన కవి. భారతీయ ఇతిహాసాన్నీ, పురాణాలనూ తన సుదీర్ఘమైన గేయాల ద్వారా ప్రపంచంలో, ముఖ్యంగా పాశ్చాత్య దేశాలలో ప్రచారం చేసే మహాప్రయత్నంలో ఉన్నారు. ఛందోబద్ధంగా ప్రాచీన శైలిలో గేయాలు రాయడానికి ఇష్టపడతారు. స్వేచ్ఛాగీతాల రచనకు విముఖులేమీ కాదు. ‘ఫైండింగ్ ద మదర్ (శ్రీ సుందరకాండ),’ ‘హరే కృష్ణ,’ ‘ఓషన్ బ్లూస్,’ ‘ద గాంజెస్ అండ్ అదర్ పోయెమ్స్’ వంటి గ్రంథాలు ఆయనకు గొప్ప పేరుప్రఖ్యాతులు తెచ్చిపెట్టాయి. జాతీయ, అంతర్జాతీయ పత్రికలలో ఆయన రచనలు అనేకం ప్రచురితమైనాయి. కవి ఫొన్ నంబర్ +91 83093 76172

Related Articles

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -spot_img

Latest Articles