Monday, July 26, 2021

సంభవామి యుగే యుగే

ఆదిమానవ జంతువు

ప్రకృతికి భయపడ్డాడు

ఉరుము, మెరుపు, చీకటి,

నీరు, నిప్పు, జంతువులు

అన్నిటికీ జడిశాడు

చెట్ల తొర్రల్లో, గుహల్లో దాక్కున్నాడు

క్రమంగా అనుభవం, ఆలోచన పెరిగాయి

ప్రకృతిపై పైచేయి సాధిస్తూ వచ్చాడు

అరణ్యాలను నరికేశాడు

భూగర్భాన్ని విచ్ఛిన్నం చేస్తున్నాడు

భూమికి సార్వభౌముడయ్యాడు

ఆకాశ, సముద్ర విహారం చేశాడు

ప్రకృతిపై ఆధిపత్యం చెలాయిస్తున్నాడు

విలవిలలాడిన ప్రకృతి ప్రకోపం

భూకంపాలు, అగ్నిపర్వత విస్ఫోటనాలు

తుపానులు, ఉప్పెనలుగా ఉబుకుతూనే ఉంది.

అణ్వాయుధాల, గ్రహాంతరయానాల సందడిలో

తలమునకలవుతున్న వైజ్ఞానికుడికి

జ్ఞానబోధ చేయడానికి

సంభవామి యుగే యుగే అన్నట్లు

విలయాలు కొత్తకొత్త అవతారాలతో

వినాశం సృష్టించి బుద్ధి చెబుతున్నాయి

నిన్నటి మశూచి, ప్లేగు, కలరాలు

నేటి కరోనా చెప్పే పాఠం ఒకటే

ప్రకృతికి భయపడో

ప్రకృతిని లెక్కచేయకుండానో కాక

ప్రకృతితో మమేకమై బ్రతకమని

అదే మనిషి బ్రతుక్కి పరమార్థమని

Also read: తపన

Also read: ప్రేమ

Also read: స్కూలీ

Also read: వెన్నెముక లేని మనిషి

Also read: మూడో కన్ను

Prof. Rajendra Singh B
రాజేంద్ర సింగ్ బైస్ ఠాకూర్. చదివింది ఆంగ్ల సాహిత్యం అయినా తెలుగులో కవిత్వం రాస్తారు. ఇతనికి స్వామి చిన్మయానంద, సాయినాధుని శరత్ బాబుజీల కొన్ని రచనల్ని తెలుగులోకి అనువదించే అవకాశం లభించింది. కొన్ని సాహిత్య విమర్శనాత్మక వ్యాసాలు రాశారు త్రివేణి, మిసిమి లాంటివాటిలో. చెప్పదలచుకున్నది కొద్ది మాటల్లోనే వ్యక్త పరచడం ఇతని కవిత్వ లక్షణం. భావుకత, లోతైన ఆలోచన, ఆధునికత, వేదంత విషయాలపై మక్కువ,భాషపై పట్టు ఇతని కవితలలో కనిపిస్తాయి.

Related Articles

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -

Latest Articles