Tuesday, August 9, 2022

సన్యాసి – జంతుజాలం

                        ————  ————

                   Hermit and the Beasts

                  ————————————

(From ‘The Wanderer’ by KAHLIL GIBRAN)

అనువాదం: డా. సి. బి. చంద్ర మోహన్

                 11.సంచారి తత్వాలు

                 —————    ——————-

          ఒకానొకప్పుడు  పచ్చని కొండల మధ్య  ఒక సన్యాసి నివాసం ఉండేవాడు. అతడు ఆత్మశుద్ధి మరియు స్వచ్ఛమైన మనసు కల వాడు.  భూచరాలైన  జంతువులు, ఆకాశ యానం చేసే గ్రద్ద, రాబందుల లాంటి పక్షులు జంటలుగా అతని వద్దకు వచ్చేవి.  వాటితో ఆ సన్యాసి మాట్లాడేవాడు. అవి ఆయన చెప్పే మాటలు సంతోషంగా వినేవి. రాత్రి అయ్యే వరకు కదిలేవి కావు. అప్పుడాయన వాటిని ఆశీర్వదిస్తూ , వాటి నివాసాలకు సాగనంపేవాడు.

           ఒక సాయంత్రం వేళ ఆ సన్యాసి వాటికి ప్రేమగురించి చెప్పసాగాడు. ఇంతలో ఒక చిరుత పులి ఇలా అంది ” స్వామీ ! మీరు ప్రేమ గురించి చెబుతున్నారు. మరి మీ సహచరి ఎక్కడ?”

          “నాకు సహచరి లేదు.” అని సన్యాసి జవాబిచ్చాడు.

           జంతువులు, పక్షులు ఒక్కసారిగా  ఆశ్చర్యంతో  అరిచి వాటిలో అవి ఇలా అనుకోసాగాయి ! ” సహచరియే లేనప్పుడు  ఈయన మనకు ప్రేమ, శృంగారం గురించి ఏమి తెలుసునని చెబుతాడు ?!’

             అవి నెమ్మదిగా తృణీకార భావంతో  అక్కడినుండి వెళ్లిపోయాయి.

             ఆ రాత్రి సన్యాసి  పడక మీద బోర్లా పడుకొని  గుండెలవిసేలా దుఃఖించాడు.

Also read: సంచారి తత్త్వాలు

Also read: సంచారి తత్త్వాలు

Also read: హేతువు– తృష్ణ

Also read: సందేహం – సంకల్పం – సందేశం

Also read: ప్రేమా , అసహ్యమూ

Dr. C. B. Chandra Mohan
మనుషుల్నీ, జీవితాల్నీ, సాహిత్యాన్నీ ప్రేమించేవాళ్ళు మంచి రచయితలు కాగలుగుతారు. ఇన్నిమంచి లక్షణాలూ పుష్కలంగా ఉన్న అరుదైన రచయిత డాక్టర్ సీబీ చంద్రమోహన్. మొబైల్ 9440108149

Related Articles

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -

Latest Articles