Wednesday, May 25, 2022

సంత…లో

                        ————————-

     At the Fair

(From ‘The Wanderer ‘ by KAHLIL GIBRAN)

అనువాదం: డా: సి. బి. చంద్ర మోహన్

                     10. సంచారి తత్వాలు

                     —————————-

            ఒక అందమైన పల్లెటూరి యువతి  సంతకు

వస్తుంది. ఆమెముఖం  కలువ, గులాబీల మృదుత్వాన్ని  సంతరించుకుంది.  నల్లటి మేఘాలలాంటి కురులు. పెదవులపై ఉషోదయం లాంటి హాసం.

             ఆ అందమైన యువతి వారి దృష్టిలో పడగానే, సంతలోని యువకులు కోరికతో ఆమెను చుట్టుముట్టారు. ఒకడు ఆమెతో నాట్యం చేయడానికి తయారైతే, ఇంకొకడు ఆమె కోసం కేకు తీసుకు వచ్చాడు. అందరి కోరికా ఆమెను ముద్దాడాలనే! సంత కదా!

             ఆ యువతి కంగారు పడింది. ఆశ్చర్య పోయింది ! వాళ్ళను చెడుగా అనుకుంది. మంద లించింది. ఒకరిద్దరిని ముఖంమీద కొట్టింది కూడా!

తరవాత వాళ్లనుండి దూరంగా పరిగెత్తింది.

            ఇంటికి వెళుతూ  తనలో తాను ఇట్లా నుకుంది. ” నాకు  అసంతృప్తి గానూ, చిరాగ్గాను ఉంది. వాళ్ళు ఎంత అసభ్యంగా, కుసంస్కారంగా  ప్రవర్తించారు ! వారి ప్రవర్తనతో నా సహనం  నశించింది.”

             ఏడాది గడిచింది. ఆ ఏడాదిలో  ఆమె మనుషుల ప్రవర్తన గురించి, సంతల గురించీ  చాలా ఆలోచించింది. అదే నాజూకైన ముఖంతో, నల్లటి కురులతో, ఉషోదయ హాసంతో  ఆమె మరలా సంతకు వచ్చింది.

              ఈసారి యువకులు ఆమెను చూసి ముఖం తిప్పుకున్నారు. పలకరించే వారు కరువై , రోజంతా ఆమె ఒంటరిగానే  తిరిగింది.

                ఆ సాయంత్రం ఇంటికి వెళుతూ మనసులో  దుఃఖంతో ఇట్లా అనుకుంది. ” నాకు అసంతృప్తి గానూ, చిరాగ్గాను ఉంది. వాళ్ళెంత  అసభ్యం గాను, కుసంస్కారులు గానూ ఉన్నారు . నా సహనం నశించింది!”

Also read: సంచారి తత్త్వాలు

Also read: హేతువుతృష్ణ

Also read: సందేహం – సంకల్పం – సందేశం

Also read: ప్రేమా , అసహ్యమూ

Also read: ఇద్దరు రాకుమార్తెలు

Dr. C. B. Chandra Mohan
మనుషుల్నీ, జీవితాల్నీ, సాహిత్యాన్నీ ప్రేమించేవాళ్ళు మంచి రచయితలు కాగలుగుతారు. ఇన్నిమంచి లక్షణాలూ పుష్కలంగా ఉన్న అరుదైన రచయిత డాక్టర్ సీబీ చంద్రమోహన్. మొబైల్ 9440108149

Related Articles

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -

Latest Articles