Tuesday, April 23, 2024

మతి లేని మనిషి

                          ————————-

( ‘ MAD MAN ‘ FROM ‘ THE WANDERER ‘ BY KAHLIL GIBRAN )

  అనువాదం: డా. సి. బి.చంద్ర మోహన్

                     19. సంచారి తత్త్వాలు

                     ————- —————-

            సుందరమూ, ఆశ్చర్యకరమూ మరియు పాలి పోయిన ముఖంతో ఉన్న ఒక యువకుణ్ణి ఒక పిచ్చి  ఇంటి(Mad house ) తోటలో కలిశాను.

            నేను అతని ప్రక్కనే బెంచి మీద కూర్చొని      ” ఇక్కడెందుకున్నావు? ” అని అడిగాను.

            ఆ యువకుడు నన్ను ఆశ్చర్యంతో చూసి ఇట్లా అన్నాడు. ” ఇది ఒక అనాలోచితమైన ప్రశ్న. ఐనా గాని, నేను నీకుజవాబు చెబుతాను. మా నాన్న నన్ను అచ్ఛం తన లాగా ఉండాలనుకుంటున్నాడు. నా మామ కూడా నేను తన లాగా ఉండాలని వాంఛిస్తున్నాడు. మా అమ్మ — నేను తన తండ్రిలా విశిష్టంగా ఉండాలని కోరుకుంటోంది. నా సోదరి — ఎప్పుడూ సముద్ర ప్రయాణాలు చేసే మా బావే నాకు ఆదర్శం అంటుంది. నా అన్న — తనలా నేను కూడా మంచి ఆటగాణ్ణి కావాలని అనుకుంటున్నాడు.

             ఇంకా నా టీచర్లు — ఒకరు తత్వ శాస్త్రంలో డాక్టరేట్. ఒకరు సంగీత నిధి, మరొకరు తర్క శాస్త్రంలో దిట్ట — వీరందరూ కూడా, నేను అద్దంలో వారి ప్రతిబింబాలుగా తయారవాలని తహ తహ లాడుతున్నారు. అందుకే నేను ఇక్కడికి వచ్చాను. ఇక్కడ నేను కొంచెం తెలివిగా , నాకు నేనుగా ఉండగలుగుతున్నాను.”

              అకస్మాత్తుగా, అతను నా వైపు తిరిగి ” మీరు కూడా నా లానే మంచి ‘  చదువు, ‘ మంచి సలహాలతో ఊపిరాడక ఇక్కడికి వచ్చారా ?” అన్నాడు.

             నేను ” కాదు.నేనొక సందర్శకుణ్ణి ” అన్నాను.

            “అయితే గోడకు ఆవలి వైపున ఉన్న పిచ్చి గృహం నుండి వచ్చిన వాళ్లలో మీరూ ఒకరన్నమాట!” అన్నాడా యువకుడు.

Also read: చట్టాలు

Also read: సప్తతి పూర్వార్ధం……లో

Also read: విగ్రహం

Also read: ఇద్దరు సంరక్షక దేవ దూతలు

Also read: యుద్ధమంటే ఏమిటో…..అడుగు

Dr. C. B. Chandra Mohan
Dr. C. B. Chandra Mohan
మనుషుల్నీ, జీవితాల్నీ, సాహిత్యాన్నీ ప్రేమించేవాళ్ళు మంచి రచయితలు కాగలుగుతారు. ఇన్నిమంచి లక్షణాలూ పుష్కలంగా ఉన్న అరుదైన రచయిత డాక్టర్ సీబీ చంద్రమోహన్. మొబైల్ 9440108149

Related Articles

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -spot_img

Latest Articles