Monday, May 27, 2024

విగ్రహం

                         ————————-

( ‘ THE STATUE ‘ FROM ‘ THE WANDERER ‘ BY KAHLIL GIBRAN )

అనువాదం: డా. సి.బి. చంద్ర మోహన్

                         18. సంచారి తత్త్వాలు

                         ——————

        పూర్వం కొండల మధ్యన ఒక మనిషి నివసించే వాడు. అతని వద్ద ఒక మహా శిల్పి చెక్కిన విగ్రహం ఒకటి ఉండేది. ఆ విగ్రహం అతని ఇంటి గుమ్మం వద్ద తలక్రిందులుగా పడి ఉండేది. అది అతని ధ్యాసలోనే ఉండేది కాదు.

        ఒక రోజు నగరం నుండి ఒక మనిషి అటు వైపుగా వచ్చాడు. అతడు తెలివి తేటలు కల వాడు. ఆ విగ్రహాన్ని చూడగానే దాని స్వంత దారుని ” ఆ విగ్రహాన్ని అమ్ముతావా?” అని అడుగుతాడు.

        ఆ స్వంత దారు నవ్వి ” ఆ నిస్తేజమైన ,మురికి రాయిని ఎవరు కొంటారు?” అంటాడు.

        ఆ పట్నం మనిషి ” నేను దీనికి ఒక వెండి నాణెం ఇస్తాను.” అంటాడు.

        ఆ స్వంతదారు ఆశ్చర్యము మరియు ఆనందం పొందాడు.

         ఏనుగు వీపు మీద ఆ విగ్రహం నగరానికి తరలించ బడింది.

         చాలా రోజుల తరువాత ఆ కొండలలో మనిషి ఒక రోజు పట్నానికి వెళతాడు. అతను అలా బజారులో తిరుగుతూ, – ఒక దుకాణం ముందు జనం గుమి గూడడం చూస్తాడు. ఒక మనిషి పెద్ద గొంతుతో ఇలా అరుస్తూ కనిపించాడు ” రండి!రండి! లోకంలో అత్యంత సుందరమైన, అద్భుతమైన శిలా విగ్రహం చూడండి! ఒక మహా శిల్పి చెక్కిన అపురూపమైన ఈ శిల్పాన్ని రెండు వెండి నాణాలు మాత్రమే చెల్లించి దర్శించుకోండి!”

        ఆ కొండ మనిషి రెండు వెండి నాణాలు చెల్లించి ఆ విగ్రహం చూడ్డానికి లోపలికి వెళ్లాడు.

         ఆ శిల్పం మరేదో కాదు. తాను ఒకప్పుడు ఒక వెండి నాణానికి అమ్మిన విగ్రహమే అది !

Also read: ఇద్దరు సంరక్షక దేవ దూతలు

Also read: యుద్ధమంటే ఏమిటో…..అడుగు

Also read: దేశాన్ని చూసి జాలిపడు

Also read: పరిపూర్ణ జీవనం

Also read: నర్తకి

Dr. C. B. Chandra Mohan
Dr. C. B. Chandra Mohan
మనుషుల్నీ, జీవితాల్నీ, సాహిత్యాన్నీ ప్రేమించేవాళ్ళు మంచి రచయితలు కాగలుగుతారు. ఇన్నిమంచి లక్షణాలూ పుష్కలంగా ఉన్న అరుదైన రచయిత డాక్టర్ సీబీ చంద్రమోహన్. మొబైల్ 9440108149

Related Articles

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -spot_img

Latest Articles