Wednesday, December 8, 2021

అతీతులు

నా బలం

నా బలగం

నా అధికారం

నా అంతస్తు

నా ప్రతిష్ట

నేను పండిత ప్రకాండుడిని

నేను విద్వన్మణిని

నేను ఆచార్యుడిని

నేను కవి సామ్రాట్టును

నేను అనితర సాధ్యుడిని

నేను జన నాయకుడిని

నాకు పక్కింటి వారెవరరో తెలియదు

నాకు అనవసర మాటలంటే గిట్టదు

నాకు స్థాయి తక్కువ మనుషులతో సంబంధం వద్దు

నాకు ఉపయోగపడే కొద్దిమంది చాలు

నాకు నా భజన బృందం చాలు

నాకు భళీ, దాసోహం అనేవాళ్ళు చాలు

నాకు గొడవల్లేని ప్రశాంతత కావాలి

నాకు పరిసరాల ప్రభావంలేని శాంతి కావాలి

నా తమ్ముడు సత్యాన్ని రాజకీయ పోలీసులు పట్టుకు పోయినా

నా చుట్టూ రౌడీ రాజ్యంలో అరాచకాలు వర్ధిల్లుతున్నా

నా మనశ్శాంతి భగ్నం కాకూడదు

నా ధ్యానానికి భంగం కలగ కూడదు

నా ప్రశాంత దివ్య జీవనం సాగాల్సిందే

నా సర్వాతీత సాధన సాగాల్సిందే.

Also read: అనుభవం

Also read: నా కవిత

Also read: సమగ్రవిద్యే సంస్కారం నేర్పుతుంది

Also read: అ-పవిత్రులు

Also read: అర్పణం

Prof. Rajendra Singh B
రాజేంద్ర సింగ్ బైస్ ఠాకూర్. చదివింది ఆంగ్ల సాహిత్యం అయినా తెలుగులో కవిత్వం రాస్తారు. ఇతనికి స్వామి చిన్మయానంద, సాయినాధుని శరత్ బాబుజీల కొన్ని రచనల్ని తెలుగులోకి అనువదించే అవకాశం లభించింది. కొన్ని సాహిత్య విమర్శనాత్మక వ్యాసాలు రాశారు త్రివేణి, మిసిమి లాంటివాటిలో. చెప్పదలచుకున్నది కొద్ది మాటల్లోనే వ్యక్త పరచడం ఇతని కవిత్వ లక్షణం. భావుకత, లోతైన ఆలోచన, ఆధునికత, వేదంత విషయాలపై మక్కువ,భాషపై పట్టు ఇతని కవితలలో కనిపిస్తాయి.

Related Articles

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -

Latest Articles