యత్ర నార్యస్తు లభతే,రమంతే తత్ర రాక్షసాః

యోగి రాజ్యంలో

భోగి చెలరేగిపోతుంటాడు.

కట్ట బెట్టిన అధికారంతో

కన్నెర్ర చేసి కాటికి

పంపుతుంటారు !

కళ్ళ ముందే

కన్నెరికాలు జరుగుతుంటాయి !

రక్షకులు

విలువల్ని,వలువలు లేని

దేహాల్ని ఒకే సారి చితి మీద

పేరుస్తారు !

అంతరంగమేది ఉండదు

అంతా బహిరంగమే !

చట్టాలన్ని చిత్తు కాగితాలవుతుంటాయి

అహంకరించిన

అగ్ర కులాలకి

చిన్న కులాలు “చితికి ” పోతుంటాయి

విచారణలు,కమిటీలు

షరా మామూలే

న్యాయం కోసం వేదన

అరణ్య రోదనే !

యత్ర నార్యస్తు లభతే,రమంతే తత్ర రాక్షసాః

Also read: ఫీ ని క్స్

Also read: చర్విత చర్వణం

Also read: నాన్నకి తెలిసినది

Also read: ఇలా మిగిలాం !

Also read: అర్ధ రాత్రి స్వతంత్రం