ఇలా మిగిలాం !

ఉపనిషత్తులకు ప్రతినిధులమైనా

మా గాధ లన్నీ “కఠినోపనిషత్తులే”

అగ్రహారాలు అడుగంటి పోయాక

అగ్ర వర్ణానికి విలువేముంది ?

జగమెరిగిన బ్రాహ్మణునికి జందమేల

మనమెరిగిన బాపనయ్యకి అందలమేల ?

మా జంధ్యాలన్నీ పశ్చిమానికి పారిపోయాక

ఉన్న జంధ్యాలకీ సంధ్యా సమస్య లే

అగ్ర కులమే కాని

అసెంబ్లీ లో కుర్చీ

ఉండదు !

ప్రభుత్వాల డేగ కన్నులన్నీ

దేవాదాయం మీదే !

వాడి రతి కో,వీడి చితి కో

మంత్రాలు రాల్చి

మనుగడ

సాగిస్తుంటాం !

ఇక్కడ జంధ్యాలన్నీ

ఏవో విశ్వాసాల్ని ముడివేసుకుంటూ

రాలని చింత కాయల మంత్రాలై

ఇల వేలుపు 

మొక్కిన వరమీయని

వేల్పయినపుడు

శిధిలాలయాలకు పూజారులు గా

కాక

ఇంకెలా మిగులుతాం ?

Also read: అర్ధ రాత్రి స్వతంత్రం

Also read: నాణానికి మూడో వైపు

Also read: గీటురాయి

Also read: నిర్వికార సాక్షి

Also read: దేవుడా రక్షించు నా దేశాన్ని!