Sunday, December 3, 2023

ఐక్యరాజ్యసమితి పిల్లల నిధి

ఐక్య రాజ్య సమితి సంబంధిత అంతర్జాతీయ బాలల అత్యవసర నిధి లేదా ఐక్య రాజ్య సమితి అంతర్జాతీయ బాలల అత్యవసర నిధి- యునిసెఫ్ (UNICEF లేదా UNCF) – 1946 డిసెంబరు 11న సంస్థ ఏర్పాటైంది. ప్రధాన కార్యాలయం న్యూయార్కు నగరంలో ఉంది. మొదట దీనిని ఐక్యరాజ్య సమితి అంతర్జాతీయ పిల్లల అత్యవసర నిధి (యునిసెఫ్) అని పిలిచారు. ప్రస్తుతం దీని పేరులో “అంతర్జాతీయ “, “అత్యవసర ” అనే పేర్లను తొలగించి ఐక్య రాజ్య సమితి బాలల నిధి అని వ్యవహరిస్తున్నారు. అభివృద్ధి చెందుతున్న దేశాలలో పిల్లలు, వారి తల్లుల జీవన ప్రమాణాలు మెరుగు పరచడానికి ఈ సంస్థ కృషి చేస్తున్నది.

యుద్ధానంతర వ్యవస్థ:

రెండవ ప్రపంచ యుద్ధానంతరం 1946 నుండి 1950 వరకు, “అత్యవసర అవసరాల విధానం” అంటే పిల్లల ఆహారం, దుస్తులు,  ఆరోగ్య అవసరాలను, ముఖ్యంగా ఐరోపాలో యునిసెఫ్ పన్నెండు దేశాలలో ఐదు మిలియన్ల పిల్లలకు వివిధ రకాల దుస్తులను పంపిణీ చేసింది. క్షయవ్యాధికి వ్యతిరేకంగా ఎనిమిది మిలియన్లకు టీకాలు వేసింది. పాల ప్రాసెసింగ్,  పంపిణీ సౌకర్యాలను పునర్నిర్మించింది. ఐరోపాలో  మిలియన్ల మంది  పిల్లలకు రోజువారీ అనుబంధ భోజనాన్ని అందించింది.  1951-1960 మధ్య కాలంలో, యునిసెఫ్ అత్యవసర అవసరాలను తీర్చడం కొనసాగించింది. అదే సమయంలో   దీర్ఘ కాలిక ప్రాయోజిత కార్యక్రమాలకు చేపట్ట నిర్ణయించింది. 

పిల్లల ఆరోగ్యమే పరమావధి:

పిల్లల ఆరోగ్యాన్ని కాపాడటానికి, యునిసెఫ్ క్షయ, కుష్టు వ్యాధి, మలేరియాకు వ్యతిరేకంగా ప్రచారం నిర్వహించింది. పర్యావరణ పారిశుద్ధ్యం కోసం నిబంధనలు రూపొందించింది. తల్లి, పిల్లల ఆరోగ్య సంరక్షణ విద్యను ప్రోత్సహించింది. పిల్లలకు పోషక ప్రమాణాలను పెంచడానికి, యునిసెఫ్ దేశాలకు తక్కువ ధర, అధిక ప్రోటీన్ కలిగిన ఆహార పదార్థాలను ఉత్పత్తి చేయడానికి, అలాగే పంపిణీ చేయడానికి సహాయ పడింది. ప్రజలను వారి ఉపయోగంలో అవగాహన కల్పించడానికి ప్రోత్సహించింది.

తల్లులకు శిక్షణ:

కుటుంబ సలహా, యువజన క్లబ్‌ల ద్వారా పిల్లలకు సహాయక సేవలను ఏర్పాటు చేసింది. 1961-1970 కాలంలో యునిసెఫ్ పిల్లలకు దేశ అభివృద్ధికి సహాయం చేసే భావనను పెంపొందించే కార్యక్రమాలను అనుసరించింది. జాతీయ విధానం,   పిల్లలకు సహాయపడే కార్యక్రమాల మధ్య పరస్పర సంబంధాన్ని గుర్తించి, “దేశం విధానం” అని పిలువబడే ఈ విధానం, యునిసెఫ్  పిల్లల అవసరాలను తీర్చడంలో ప్రతి దేశం తాను ఏర్పాటు చేసిన ప్రాధాన్యతలను తగిన మార్గాల్లో అమలు చేయడానికి అనుమతించింది. పర్యవసానంగా, పిల్లల మేధో, మానసిక, వృత్తిపరమైన అవసరాలతో పాటు వారి శారీరక అవసరాలను తీర్చడం, యునిసెఫ్ ఉపాధ్యాయ విద్య, పాఠ్యాంశాల సంస్కరణలకు సహాయం అందించింది,  పూర్వ వృత్తి శిక్షణ కోసం నిధులు కేటాయించింది. సాంకేతికం విద్యను, సమాచారాన్ని ప్రోత్సహించింది. 

డెబ్బైవ దశకంలో , యునిసెఫ్ అభివృద్ధి చెందుతున్న దేశాలలో పిల్లల జీవన ప్రమాణాలను పెంచడానికి ప్రయత్నించింది. దాని ప్రయత్నాలను సంబంధిత ప్రభుత్వాలతో సమన్వయం చేసింది.  అంతర్జాతీయ, బహుళజాతి, ఆదాయ వనరుల సమకూర్పుకు  ప్రభుత్వేతర ఏజెన్సీల నుండి మద్దతును పొందాలని యునిసెఫ్ భావించి, తదనుగుణ చర్యలు చేపట్టింది.

కోట్లాది బాలల పరీక్ష:

యునిసెఫ్ 70 సంవత్సరాల చరిత్రకు సంబంధించిన గణాంకాలు సాధించిన నిర్మాణాత్మక పనిని స్పష్టం చేస్తుంది. కోట్లాది  మంది పిల్లలు పరీక్షించ బడ్డారు. చికిత్స పొందారు.  చికిత్స కోసం పరీక్షించ బడ్డారు. క్షయవ్యాధికి నివారణ టీకాలు, మలేరియా, కుష్టు వ్యాధి నుండి అనేక మిలియన్ల మంది రక్షించ బడ్డారు. గ్రామీణ ఆరోగ్య కేంద్రాలు,  ప్రసూతి వార్డులు, ఉపాధ్యాయ శిక్షణా పాఠశాలలు, ప్రాథమిక మరియు మాధ్యమిక పాఠశాలలు, ప్రీ-వృత్తి శిక్షణా పాఠశాలలు, ప్రీ-వొకేషనల్ బోధకులకు శిక్షణ ఇవ్వడానికి పాఠశాలలు, ఆహార సిబ్బందికి శిక్షణ ఇవ్వడానికి  పాఠశాలలు; పోషకాహార కేంద్రాలు మరియు కమ్యూనిటీ గార్డెన్స్,  పాఠశాల తోటలు, క్యాంటీన్లు; డే కేర్ సెంటర్లు,  మహిళా క్లబ్‌లు మరియు కమ్యూనిటీ సెంటర్లకు ఇచ్చిన పరికరాలు; బిలియన్లలో  దుస్తుల పంపిణీ,  అనుబంధ భోజనం, వరదలు, భూకంపాలు,  ఇతర ప్రకృతి వైపరీత్యాలకు గురైన లక్షలాది మందికి అత్యవసర సహాయం అందించబడింది.

యునిసెఫ్ పిల్లల ప్రదర్శనల కోసం  సినిమాలను విడుదల చేసింది. ఈ చిత్రాలలో ఆంగ్లంలో నాలుగు ఉన్నాయి. పిల్లలను ప్రభావితం చేసే పట్టణీకరణ సమస్యలపై ఒక డాక్యుమెంటరీ, డిజైన్ నుండి అమ్మకం వరకు యునిసెఫ్ గ్రీటింగ్ కార్డ్ కథలో ఒకటి ఉన్నాయి.

పోషకాహారలోపం సవరణ:

యునిసెఫ్ వార్షిక నివేదిక 2019 ద్వారా 2019 చివరి నాటికి, యునిసెఫ్ యొక్క 2018–2021 వ్యూహాత్మక ప్రణాళిక  మిడ్-టర్మ్ మార్క్, నిర్దేశించిన లక్ష్యాలలో 74 శాతం సాధించ బడింది.  ఇందులో 5 సంవత్సరాల కంటే తక్కువ వయస్సు ఉన్న 307 మిలియన్ల మంది పిల్లలు పోషకాహార లోపాన్ని నివారించడానికి, 17 మిలియన్ల మంది పాఠశాల నుండి బయట పిల్లలు; నైపుణ్యాల అభివృద్ధితో 4 మిలియన్ల పిల్లలు, యువకులు లాభోక్తు లైనారు. సురక్షితమైన తాగునీరు 18.3 మిలియన్ల ప్రజలు; ప్రాథమిక పారిశుధ్య సేవలతో 15.5 మిలియన్లు, 96 దేశాలలో 281 అత్యవసర పరిస్థితుల్లో మానవతా సహాయం పొందారని నివేదిక స్పష్టం చేసింది.

2019 లో, యునిసెఫ్ యొక్క 137 ప్రభుత్వ భాగస్వాములతో పాటు, ఇంటర్ గవర్నమెంటల్ సంస్థలు,   అంతర్-సంస్థాగత ఏర్పాట్ల ద్వారా 4.7 బిలియన్ల డాలర్లు అందించాయి. ప్రైవేటు రంగాలతో భాగస్వామ్యాలు ప్రాముఖ్యతను పెంచుకుంటూ, 1.5  బిలియన్ల డాలర్లను అందించాయి. కోవిద్-19 మహమ్మారితో సహా అత్యవసర పరిస్థితుల్లో రెగ్యులర్ వనరుల  నిధులతో  ప్రపంచవ్యాప్త పిల్లలకు సహకరించింది.

Related Articles

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -

Latest Articles