Wednesday, September 22, 2021

పోచంపల్లి చేనేత చీర పైన బెంగాల్ ఎంపీ ప్రశంసలు..

హైదరాబాద్ : పోచంపల్లి చేనేత చీర పైన తృణమూల్ కాంగ్రెస్ కు చెందిన లోక్ సభ సభ్యురాలు మొహువ మోయిత్రా ప్రశంసలు కురిపించారు. భారతీయ చేనేత వస్త్రాలు అద్భుతంగా ఉంటాయన్న ఆమె, పోచంపల్లి చీర అందాలను ఈ సందర్భంగా ప్రస్తావించారు. గత వారం హైదరాబాదులో పర్యటించిన ఐటీ పైన ఏర్పాటైన పార్లమెంటరీ కమిటీ సభ్యులకు మంత్రి కే.తారకరామారావు తెలంగాణ ప్రభుత్వం తరఫున చేనేత వస్త్రాలను అందించారు. ఈ కమిటీ అధ్యక్షుడు, తిరువనంతపురం నగరం నుంచి లోక్ సభకు ఎన్నికైన శశిథరూర్ తెలంగాణ ఐటీ మంత్రి కల్వకుంట్ల తారకరామారావు (కేటీఆర్) నిర్వహణ సామర్థ్యాన్నీ, ఐటీ రంగంలో తెలంగాణ సాధిస్తున్న ప్రగతిని ప్రశంసించారు.

పోచంపల్లి చేనేత వస్త్రాలను తన ట్విట్టర్ వేదికగా ప్రశంసించిన ఎంపీ మొహువ మోయిత్రా కు మంత్రి కే. తారకరామారావు ధన్యవాదాలు తెలిపుతూ ట్వీట్ చేశారు. మోయిత్రా ప్రముఖ త్రిణమూల్ నాయకురాలు. అమెరికాలో చదువుకొని, ఉద్యోగాలు చేసి, ఉన్నత స్థాయి ఉద్యోగాన్ని వదిలేసి ఇండియా వచ్చి రాజకీయాలలో ప్రవేశించారు. తృణమూల్ కాంగ్రెస్ సభ్యురాలుగా, ప్రతిభావంతమైన వక్తగా, బీజేపీని విమర్శించడంలో దిట్టగా రాణిస్తున్నారు.

సాదిక్
సాదిక్ పన్నెండేళ్ళకు పైగా ఎలక్ట్రానిక్స్ జర్నలిజంలో ఉన్నారు. కమ్యూనికేషన్స్, జర్నలిజంలలోో ఎంఏ, ఎల్ఎల్ బీ చదివిన విద్యాధికుడు. హెచ్ఎంటీవీలో సీనియర్ కరెస్పాండెంట్ గా పని చేశారు. విశ్వసనీయత, కచ్చితత్వం, సామాజిక శ్రేయస్సు దృష్టిలో పెట్టుకొని వృత్తి విలువలకు నిబద్ధుడై పని చేసే నిష్ఠ కలిగిన జర్నలిస్టు. Phone: 8179221604

Related Articles

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -

Latest Articles