Monday, November 28, 2022

ఆత్మావలోకనం

రవికాంచనివి కూడా చూసేస్తాడు

ఇంపుగా సొంపుగా రాసేస్తాడు

ఆనంద పరుస్తాడు

ఘటనా ఘటనలకు

భాష్యం చెపుతాడు

ఆలోచింప జేస్తాడు

భవిష్యత్ దర్శనంతో

జనాన్ని ముందుకు నడిపిస్తాడు.

మెరుగైన ఆలోచన అతని నైజం

విలక్షణ తర్కం అతని శైలి

తన సృజనా జగత్తు

నిజమని నమ్మించ గలడు

మాటల గారడీ చేస్తాడు

మనసుల్ని మరమ్మత్తు చేస్తాడు

భాషను బ్రతికిస్తాడు

దాన్ని వినూత్న రీతుల

కదను తొక్కిస్తాడు

సుందర హర్మ్యాలు నిర్మిస్తాడు

మనుషులతో పాటు

దెయ్యాలని కూడా

దేవుళ్ళుగా చేసి

ఆందులో కొలువుంచుతాడు.

అతన్ని ఛందో కారాగారంలో పెట్టి

యతి ప్రాసల సంకెళ్ళు తగిలించి

సనాతనత్వ తాడుతో ఉరితీస్తే

అతని అఖండ ఙ్ఞానాన్ని

అర్హులకు అందకుండా చెస్తే

యుగ ధర్మ నిర్వహణ అవుతుందా

కాలచక్రం వెనక్కి తిరుగుతుందా

ఎవరికీ జవాబు చెప్పాల్సిన పనిలేదు

నీలోకి చూసుకుని

నీకు నువ్వు చెప్పుకో.

Also read: చదువు

Also read: దేవాంతకులు

Also read: పెంపకం

Also read; చూపు

Also read: భావదాస్యం

రాజేంద్ర సింగ్ బైస్ ఠాకూర్
రాజేంద్ర సింగ్ బైస్ ఠాకూర్. చదివింది ఆంగ్ల సాహిత్యం అయినా తెలుగులో కవిత్వం రాస్తారు. ఇతనికి స్వామి చిన్మయానంద, సాయినాధుని శరత్ బాబుజీల కొన్ని రచనల్ని తెలుగులోకి అనువదించే అవకాశం లభించింది. కొన్ని సాహిత్య విమర్శనాత్మక వ్యాసాలు రాశారు త్రివేణి, మిసిమి లాంటివాటిలో. చెప్పదలచుకున్నది కొద్ది మాటల్లోనే వ్యక్త పరచడం ఇతని కవిత్వ లక్షణం. భావుకత, లోతైన ఆలోచన, ఆధునికత, వేదంత విషయాలపై మక్కువ,భాషపై పట్టు ఇతని కవితలలో కనిపిస్తాయి.

Related Articles

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -

Latest Articles