Tuesday, January 31, 2023

ముంబయి గామన్ హౌస్ లో అగ్ని ప్రమాదం

  • మంటలార్పుతున్న అగ్నిమాపక సిబ్బంది

ముంబయిలో మరో భారీ అగ్నిప్రమాదం జరిగింది. రెండురోజుల క్రితం ముంబయిలోని భాండూప్ ప్రాంతంలో గల ఓ ప్రైవేటు ఆస్పత్రిలో జరిగిన అగ్ని ప్రమాదం మరిచిపోకముందే మరో అగ్నిప్రమాదం జరిగింది. ముంబయి ప్రభాదేవి ప్రాంతంలో వీర్ సావర్కర్ రోడ్డులోని వాణిజ్య భవంతిలో ఈ రోజు ఉదయం ఘటన చోటు చేసుకుంది. తెల్లవారుజామున ప్రమాదం జరగడంతో ప్రాణ నష్టం జరగలేదని అదే రద్దీ సమయంలో జరిగితే భారీ ప్రాణనష్టం సంభవించేదని అధికారులు తెలిపారు

మంటలను అదుపు చేస్తున్న ఫైరింజన్లు:

ఐదు అంతస్థుల గామన్ హౌస్ బేస్‌మెంట్‌లో మంటలు చెలరేగినట్టుగా స్థానికులు తెలిపారు. అనంతరం మంటలు పెద్ద ఎత్తున వ్యాపించాయి. ఈ ఘటనపై సమాచారం అందుకున్న అగ్నిమాపక సిబ్బంది వెంటనే అక్కడికి చేరుకుని మంటలను అదుపులోకి తెచ్చేందుకు ప్రయత్నిస్తున్నారు. మొత్తం ఎనిమిది ఫైరింజన్లు, ఏడు వాటర్ ట్యాంకర్ల సాయంతో మంటలను అదుపులోకి తెచ్చేందుకు ప్రయత్నిస్తున్నారు.

Also Read: కోవిడ్ కేర్ ఆసుపత్రిలో భారీ అగ్ని ప్రమాదం

ఈ అగ్నిప్రమాదానికి గల కారణాలు తెలియాల్సి ఉందని ఇప్పటివరకు ఎటువంటి ప్రాణ నష్టం జరగలేదని అధికారులు తెలిపారు. షాక్ సర్క్యూట్ కారణంగా అగ్నిప్రమాదం జరిగిఉండొచ్చని అధికారులు ప్రాథమిక అంచనాకు వచ్చారు. ఘటనాస్థలికి చేరుకున్న పోలీసులు కేసు నమోదు చేసి దర్యాప్తు చేస్తున్నారు.

Paladugu Ramu
సీనియర్ సబ్ ఎడిటర్

Related Articles

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -

Latest Articles