Tuesday, April 16, 2024

“పండగ దేవుడు”

నీ చుట్టూ చేరి నిన్ను ఊరిస్తారు

నీ ఆశలకు ఎరువులు వేసి పెంచుతా మంటారు

నిన్ను చూసుకునే బాధ్యత నాదేనంటారు

నువ్వే నాకు దిక్కు అంటారు

దణ్ణం పెడతారు, నీ కాళ్లకు మొక్కుతా నంటారు

నీ బిడ్డ చీమిడి తీసి చొక్కాకు పూసుకుంటారు

నరుడా ఏమి నీ కోరిక, చెప్పు, తీర్చేస్తా నంటారు

ఓట్ల పండగకు నువ్వే దేవుడివంటారు

ఉబ్బిపోయి బోల్తా పడకు

ఓటంటే నీ బతుకు బాగు చేసే సాధనం

నీ నాగలి, నీ సుత్తి జాగ్రత్తగా వాడుతావుగా

అలాగే నీ వోటుకూడా జాగ్రత్తగా ఆలోచించి వాడు

నీతోపాటు అందరికి మంచి చేసేవాడికే వెయ్

నీకు, నీ సాటివారికి కలగాలి జయం

మనోడికి కాదు మంచోడికి ఓటు వెయ్

అదే మనందరికీ శుభం

Also read: చవటాయ్!

Also read: “మేలుకో ఓటరూ”

రాజేంద్ర సింగ్ బైస్ ఠాకూర్
రాజేంద్ర సింగ్ బైస్ ఠాకూర్
రాజేంద్ర సింగ్ బైస్ ఠాకూర్. చదివింది ఆంగ్ల సాహిత్యం అయినా తెలుగులో కవిత్వం రాస్తారు. ఇతనికి స్వామి చిన్మయానంద, సాయినాధుని శరత్ బాబుజీల కొన్ని రచనల్ని తెలుగులోకి అనువదించే అవకాశం లభించింది. కొన్ని సాహిత్య విమర్శనాత్మక వ్యాసాలు రాశారు త్రివేణి, మిసిమి లాంటివాటిలో. చెప్పదలచుకున్నది కొద్ది మాటల్లోనే వ్యక్త పరచడం ఇతని కవిత్వ లక్షణం. భావుకత, లోతైన ఆలోచన, ఆధునికత, వేదంత విషయాలపై మక్కువ,భాషపై పట్టు ఇతని కవితలలో కనిపిస్తాయి.

Related Articles

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -spot_img

Latest Articles