Tuesday, November 29, 2022

“స్కూలీ”

నేను స్కూలీని

అవును, బడిలో పని చేస్తాను.

పిల్లలకు పాఠాలు బాగా చెప్తాను

విద్యార్ధులను పట్టుకురమ్మని ఊరిమీదకు నన్ను పంపించకపోతే

గుమాస్తాలాగా రికార్డులు రాయమనకుంటే

రోజుకో పరీక్ష పెట్టి పేపర్లు దిద్దమనకుంటే

ప్రభుత్వ పధకాలన్నిటికీ ప్రచార సారధిగా వాడకుంటే

పిల్లలకు వండి వార్చే బాధ్యత లేకుంటే

జనాభా లెక్కలు రాయడానికి పంపకపోతే

ఎన్నికల నిర్వహణకు ఉపయోగించుకోకపోతే.

నేను ఉపాధ్యాయుణ్ణి అంటారందరూ

గురువుగా గుర్తించ రెవరూ.

విద్యార్ధుల శారీరక, మానసిక, నైతిక

అభివృద్ధికి మూలకారకుడనని ఎవరూ గుర్తించరు

పాఠంతోపాటు జీవిత విలువలు రంగరించి

విద్యార్ధుల భవిత అమృతమయం కావాలని

తపించే ఆశాజీవినని ఎవరూ గుర్తించరు.

రెండు మార్కులు తగ్గాయని గద్దించే తల్లిదండ్రులు

పాఠం చెప్పడంకంటే హాజరు వేయడం ముఖ్యమని భావించే అధికారులు

విద్యనూ వ్యాపారంగా మలచుకున్న యజమానులు

మనో వికాసం గురించి ఎవరూ మాట్లాడరు, వేదికలెక్కినప్పుడు తప్ప.

Also read: “జీవితం”

Also read: “సత్యం”

Also read: గిడుగు రామ్మూర్తి పంతులు

Also read: “దొంగ”

Also read: “నేత”

రాజేంద్ర సింగ్ బైస్ ఠాకూర్
రాజేంద్ర సింగ్ బైస్ ఠాకూర్. చదివింది ఆంగ్ల సాహిత్యం అయినా తెలుగులో కవిత్వం రాస్తారు. ఇతనికి స్వామి చిన్మయానంద, సాయినాధుని శరత్ బాబుజీల కొన్ని రచనల్ని తెలుగులోకి అనువదించే అవకాశం లభించింది. కొన్ని సాహిత్య విమర్శనాత్మక వ్యాసాలు రాశారు త్రివేణి, మిసిమి లాంటివాటిలో. చెప్పదలచుకున్నది కొద్ది మాటల్లోనే వ్యక్త పరచడం ఇతని కవిత్వ లక్షణం. భావుకత, లోతైన ఆలోచన, ఆధునికత, వేదంత విషయాలపై మక్కువ,భాషపై పట్టు ఇతని కవితలలో కనిపిస్తాయి.

Related Articles

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -

Latest Articles