రాజేంద్ర సింగ్ బైస్ ఠాకూర్
అమ్మ పెట్టే గోరుముద్దలు తినకుండా మారాం చేస్తుంటే
ఆరుబయటకు తెచ్చి వెన్నెల కురిపించే చంద్రుడిని చూపిస్తూ
చందమామ రావే – జాబిల్లి రావే అంటూ పాటలతో ఏమార్చి
అన్నం ముద్దలు మింగించేది అమ్మ
చల్లని చందమామను అనందంగా చూస్తూ
తను కూడా మనతోపాటే నడుస్తున్నాడనుకునే వయసది.
డాబాపై పిండారబోసిన వెన్నెల
చల్లటి చంద్రకాంతి ఒళ్ళంతా పారాడుతుంటే
మనసు వెచ్చనై
తన నేత్రాల చుట్టూ తిరుగుతుంది
చందమామలాంటి తేట మొహం
తలచుకుంటేనే మోహం ముంచుకొస్తుంది
భావోద్వేగంతో మనసు పరుగులు తీసే వయసది.
చంద్రునిమీది ఆసక్తి అనాది
సూర్యుడికోసం హనుమ ఎగరడం విన్నాం
చంద్రుడి ఆకర్షణ గురించి మనకు
అనుభవపూర్వకంగా తెలుసు
రష్యావాడు లైకాను పంపిన నాటి నుండి
నీల్ ఆర్మ్ స్ట్రాంగ్ చంద్రుడిపై చేరే వరకు
ఊరుకోలేకపోయాం
అప్పటి నుంచి ఇప్పటి దాకా
విశ్వాన్ని చూస్తూనే ఉన్నాం
చూసిరావడంతోనే తృప్తిపడకుండా
అక్కడ నివాసాల ఏర్పాటు కోరుకుంటున్నాం
అక్కడ దొరుకుతాయని ఆశించిన ఖజానా,
ఖనిజాలేమీ దొరక్కపోయినా
చంద్రుడి సాంగత్యం కోసం ఉర్రూతలూగుతున్నాం
ఈ చంద్రయానం
దాన్ని సాకారం చేస్తుందని భావిస్తున్నాం
అందుకు ఆ సూర్యచంద్రుల దీవనలు ఆశిస్తున్నాం.
Also read: “వ్యవస్థ”
Also read: “అమ్మ”
Also read: “కష్టం – సుఖం”
అమ్మ పెట్టే గోరుముద్దలు తినకుండా మారాం చేస్తుంటే ఆరుబయటకు తెచ్చి వెన్నెల కురిపించే చంద్రుడిని చూపిస్తూ చందమామ రావే – జాబిల్లి రావే అంటూ పాటలతో ఏమార్చి అన్నం ముద్దలు మింగించేది అమ్మ చ సూర్యుడి కోసం హనుమ ఎగరడం విన్నాం చంద్రుడి ఆకర్షణ గురించి మనకు అనుభవ పూర్వకంగా తెలుసు
