Sunday, June 26, 2022

“కావాలి”

నేను వోటు వెయ్యడానికి

కావాలి ఒక నాయకుడు

కావాలి ఒక సమర్ధుడు

కావాలి ఒక నిజాయితీపరుడు

కావాలి ఒక మంచివాడు

కావాలి ఒక తెలివిమంతుడు

కావాలి ఒక చిత్తశుద్ధి కలవాడు

కావాలి ఒక ప్రజా సేవకుడు

కావాలి ముందుచూపు కలవాడు

కావాలి నిజం చెప్పేవాడు

కావాలి అందర్నీ సమంగా చూసేవాడు

కావాలి న్యాయం చేసేవాడు

నేను అతని కులం చూడను

నేను అతని మతం చూడను

నేను అతని ప్రాంతాన్ని చూడను

నేను అతని వంశం చూడను

నేను అతని చరిత్ర చూడను

అతనిచ్చే డబ్బులు నాకొద్దు

అతనిచ్చే సారా నాకొద్దు

అతనిచ్చే ఉచిత బిక్షం నాకొద్దు

అతనిచ్చే కాంట్రాక్టులు నాకొద్దు

అతనిచ్చే ఇల్లు నాకొద్దు

నా కోసం ఇంకోడిని దోచేవాడు నాకొద్దు

రాష్ట్రాన్ని దేశాన్ని ముంచేవాడు నాకొద్దు

నేను ఇచ్చే పన్నుల డబ్బు

అందరికి ఉపయోగ పడేట్లుగా

సక్రమంగా వాడేవాడు కావాలి

అదే అందరికీ కావలసింది

అదే నాయకుడు చెయ్యవలసింది.

Also read: “శుద్ధి”

Also read: “ఓట్ల పండగ”

Also read: శ్రీ శ్రీ

Also read: “జీవిత సాఫల్య పురస్కారం”

Also read: “పూజా ఫలం”

రాజేంద్ర సింగ్ బైస్ ఠాకూర్
రాజేంద్ర సింగ్ బైస్ ఠాకూర్. చదివింది ఆంగ్ల సాహిత్యం అయినా తెలుగులో కవిత్వం రాస్తారు. ఇతనికి స్వామి చిన్మయానంద, సాయినాధుని శరత్ బాబుజీల కొన్ని రచనల్ని తెలుగులోకి అనువదించే అవకాశం లభించింది. కొన్ని సాహిత్య విమర్శనాత్మక వ్యాసాలు రాశారు త్రివేణి, మిసిమి లాంటివాటిలో. చెప్పదలచుకున్నది కొద్ది మాటల్లోనే వ్యక్త పరచడం ఇతని కవిత్వ లక్షణం. భావుకత, లోతైన ఆలోచన, ఆధునికత, వేదంత విషయాలపై మక్కువ,భాషపై పట్టు ఇతని కవితలలో కనిపిస్తాయి.

Related Articles

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -

Latest Articles