Thursday, December 8, 2022

స్పందన

అడవిలో ఎవడో ఒకడు ఒక చెట్టును కొడుతుంటే

పక్క చెట్లు ఏం చేస్తాయి?

ఒక్కొక్క గొడ్డలి వేటుకూ ఉలిక్కిపడుతాయి,

ఆకుల కన్నీళ్లు రాల్చుతాయి,

శివమెత్తినట్లు

గాలిలేకుండానే కొమ్మలు, కాండాలు ఊగిపోతాయి.

అంతవరకే!! అయినా నయం!

కాలు, చేయి, నోరు ఉన్న మనుషులు వేరే!

పక్కవాడి వెన్ను విరుగుతుంటే,

కళ్ళవెంబడి రక్తం కారుతుంటే,

కాళ్ళు తడబడుతుంటే…

కొందరు చూసి చూడనట్లు తలలు తిప్పేలేస్తారు

కొందరు గట్టిగా కళ్ళు ముసుకొంటారు.

చలనం లేక, చైతన్యం చచ్చి, కొందరు

పాడె పైని శవాలలా అటుఇటు చూడక సాగిపోతారు.

ఇది క్షాత్రమ్ చచ్చిన మానవజాతి!

ఇంకో కృష్ణుడు పుట్టినా వినే అర్జనులు నాస్తి!!

Also read: అనాథ

Also read: రూపం

Also read: గాయం

Also read: పగిలిన గాజు పెంకు

Also read: జగన్నాథ రథచక్రాలు

MAHATHI
మైదవోలు వేంకటశేష సత్యనారాయణ కలం పేరు మహతి. ఆయన ఇంగ్లీషులో ప్రఖ్యాతిగాంచిన కవి. భారతీయ ఇతిహాసాన్నీ, పురాణాలనూ తన సుదీర్ఘమైన గేయాల ద్వారా ప్రపంచంలో, ముఖ్యంగా పాశ్చాత్య దేశాలలో ప్రచారం చేసే మహాప్రయత్నంలో ఉన్నారు. ఛందోబద్ధంగా ప్రాచీన శైలిలో గేయాలు రాయడానికి ఇష్టపడతారు. స్వేచ్ఛాగీతాల రచనకు విముఖులేమీ కాదు. ‘ఫైండింగ్ ద మదర్ (శ్రీ సుందరకాండ),’ ‘హరే కృష్ణ,’ ‘ఓషన్ బ్లూస్,’ ‘ద గాంజెస్ అండ్ అదర్ పోయెమ్స్’ వంటి గ్రంథాలు ఆయనకు గొప్ప పేరుప్రఖ్యాతులు తెచ్చిపెట్టాయి. జాతీయ, అంతర్జాతీయ పత్రికలలో ఆయన రచనలు అనేకం ప్రచురితమైనాయి. కవి ఫొన్ నంబర్ +91 83093 76172

Related Articles

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -

Latest Articles