Tuesday, November 29, 2022

విలువలు

విలువలు వదిలేసిన

విపణి లో

పోర్నో సుడిగుండాల

అంతర్జాల సంద్రం లో

అన్నీ ఉచితమే !

సంభాషణలు ఉచితం !

సందేశాలు ఉచితం

జీబిలు గా డాటా ఉచితం

కాల హరణ టిక్ టాక్ ల  బట్వాడా ఉచితం

మనిషి పతనం చెందే

ప్రతీది ఉచితం !

ఉచితాలు వెనుక సముచితం కానిది ఉంది !

ఎదగని మెదళ్ళ  కళ్ళు

యు ట్యూబు ల కాళ్ళని చుట్టుకుంటాయి !

తెలియని మోహ సర్పం బుసలు

కొడుతుంది !

వాయెరిజం తో మొదలైన వాంఛ

వయలెన్స్ గా అంతమవుతుంది !

నియంత్రణ లేని

నియమాలు లేని

నిరంతర నిర్లజ్జ వీడియోలు నిత్యం

సరఫరావుతుంటాయి !

ప్రభుత్వాల ది ఒక

ప్రేక్షక పాత్ర

సాంకేతికత తో ప్రపంచం అర

చేతికి వచ్చినా ,

సంస్క్రుతి లుప్తమై

మానవత్వమే

 ఒక

కత్తి అంచున నిలుస్తుంది !

ఏ ఫోన్ ఏ మోహ

నిలయమో

ఏ ఫోన్ ఏ భావ

విలయమో !

మనిషిని,మనిషిని

కలిపే మాధ్యమం

దూరాల్ని దగ్గర చేసే

మాధ్యమాలు

శాంతి ని ఇవ్వలేని

మిధ్యా సౌధాలు !

అంతర్జాలం

కాకూడదు మాయా మోహాజాలం !

జాగురకత తో వెయ్యాలి

అడుగులు జాగృతి వైపు !

Also read: యత్ర నార్యస్తు లభతే,రమంతే తత్ర రాక్షసాః

Also read: ఫీ ని క్స్

Also read: చర్విత చర్వణం

Also read: నాన్నకి తెలిసినది

Also read: ఇలా మిగిలాం !

వీరేశ్వర రావు మూల
సాహితి వివరాలు : 1985 నుంచి రాస్తున్నా. వివిధ పత్రికల్లో కధలు,కవితలు,కార్టూనులు వస్తున్నాయి. ఆంగ్లం లో కూడా వంద కి పైగా కవితలు వెబ్ పత్రికల్లో ప్రచురిత మయ్యాయి. వృత్తి : నిర్మాణ రంగం లో ఐటీ విభాగం మేనేజర్ ఉద్యోగం ఆంగ్లం లో Vibrations of my heart Amazon Kindle పుస్తకం గా ప్రచురణయ్యింది.

Related Articles

1 COMMENT

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -

Latest Articles