Saturday, July 13, 2024

క్విట్ ఇండియా

నాడు పరాయి పాలనను వ్యతిరేకిస్తూ

దేశం గర్జించింది క్విట్ ఇండియాఅని

తెల్ల దొరలు పోయారు

నల్ల దొరలు వచ్చారు

పంచవర్ష ప్రణాళికలు

గరీబీ హటావో అంటూ

లైసెన్స్ రాజ్యం నడిపించారు

సర్వ నాశనం చేరువలో

సోషలిజం వదలి

స్వతంత్ర మార్కెట్ అన్నారు

అన్నిటికీ గేట్లెత్తేశారు,

అవినీతితో సహా.

విదేశీ పెట్టుబడులు వచ్చాయ్

సాంకేతికత పెరిగింది

ప్రపంచీకరణ జరిగింది

ప్రభుత్వ ఆస్తులు అమ్మారు

ఇంతా చేస్తే సామాన్యుడికి ఏం ఒరిగింది

అధిక ధరల పోటు

పెరిగిన పన్నుల వేటు

వీటికి తోడు కరోనా కాటు.

ఇప్పుడు మరోసారి అందాం

క్విట్ ఇండియాఅని

చట్టాన్ని గౌరవించని వాళ్ళు

మతాన్ని ఉన్మాదం చేసుకునే వాళ్ళు

తుపాకీతో అధికారం కోరుకునే వాళ్ళు

విధ్వంసకారుల తోడు కోరే వాళ్ళు

క్విట్ ఇండియా

రాజకీయుల కుతంత్రాలను ఎండగట్టే వాళ్ళు

ప్రజలను మంచివైపుకు నడిపించగల వాళ్ళు

రండి, రారండి

నవభారత నిర్మాతలు కండి

ఈ దారికి అడ్డు తగిలే వారికి

చెప్పండి క్విట్ ఇండియా అని.

Also read: ఇది వేద భూమి

Also read: ఫ్రపంచం

Also read: విజ్ఞానం – జ్ఞానం

Also read: స్నేహం

Also read: అనిత్య సత్యం

రాజేంద్ర సింగ్ బైస్ ఠాకూర్
రాజేంద్ర సింగ్ బైస్ ఠాకూర్
రాజేంద్ర సింగ్ బైస్ ఠాకూర్. చదివింది ఆంగ్ల సాహిత్యం అయినా తెలుగులో కవిత్వం రాస్తారు. ఇతనికి స్వామి చిన్మయానంద, సాయినాధుని శరత్ బాబుజీల కొన్ని రచనల్ని తెలుగులోకి అనువదించే అవకాశం లభించింది. కొన్ని సాహిత్య విమర్శనాత్మక వ్యాసాలు రాశారు త్రివేణి, మిసిమి లాంటివాటిలో. చెప్పదలచుకున్నది కొద్ది మాటల్లోనే వ్యక్త పరచడం ఇతని కవిత్వ లక్షణం. భావుకత, లోతైన ఆలోచన, ఆధునికత, వేదంత విషయాలపై మక్కువ,భాషపై పట్టు ఇతని కవితలలో కనిపిస్తాయి.

Related Articles

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -spot_img

Latest Articles