Thursday, March 28, 2024

నా ఇష్టాయిష్టాలు

నాన్న మాట వినడం కష్టం

అందుకే రాముడంటే నాకయిష్టం.

మంచివారికి మంచిచేయడం

అబ్బో మనవల్లకాదు.

అందుకే కృష్ణుడి పై వేస్తా అపవాదు.

ఉపవాసాలు, సహనాలు, శాంతాలు,

అహింసా వ్రతాలూ… చేతకాని మతాలు.

అందుకే గాంధీ అంటే వెటకారాలు.

రావణుడు రంభనే ధర్షించిన రమ్య రసరాజు

రారాజు … అసూయా విషాన్ని

అమృతంలా తాగిన ఘనుడు

సైన్ధవుడు… సిగ్గుమాలిన పనులకు

సిల్కు చీరలు పెట్టిన షోగ్గాడు!

వాళ్లే నాకు ఆదర్శ పురుషులు, వాళ్లే నా ఆత్మీయులు

వాళ్లే నేను ఆరాధించే విజేతలు,

వీరోచిత కార్య సమర్థులు!

నన్ననేది ఎవరు?

ఎంతమంది లేరు నాల్లాంటి వాళ్ళు, నావాళ్ళు

 వాళ్లదే నేడు ప్రాబల్యం, వాళ్ళ మాటకే ప్రాచుర్యం,

వాళ్ళ రాతకే చలామణి, వాళ్ళ చేతలకే గండపెండేరం!

అయినా అవతారం ఎత్తేందుకు

దేవుడి కెక్కడుంది సమయం!

అంతవరకు మా అసురీ శక్తులదే

ఈ భూమిపై అధికారం, ఆధిపత్యం.

Also read: మా రైతు

Also read: కొందరు అంతే

Also read: రాజకీయం

Also read: ద్వంద్వాలు

Also read: కాలం

MAHATHI
MAHATHI
మైదవోలు వేంకటశేష సత్యనారాయణ కలం పేరు మహతి. ఆయన ఇంగ్లీషులో ప్రఖ్యాతిగాంచిన కవి. భారతీయ ఇతిహాసాన్నీ, పురాణాలనూ తన సుదీర్ఘమైన గేయాల ద్వారా ప్రపంచంలో, ముఖ్యంగా పాశ్చాత్య దేశాలలో ప్రచారం చేసే మహాప్రయత్నంలో ఉన్నారు. ఛందోబద్ధంగా ప్రాచీన శైలిలో గేయాలు రాయడానికి ఇష్టపడతారు. స్వేచ్ఛాగీతాల రచనకు విముఖులేమీ కాదు. ‘ఫైండింగ్ ద మదర్ (శ్రీ సుందరకాండ),’ ‘హరే కృష్ణ,’ ‘ఓషన్ బ్లూస్,’ ‘ద గాంజెస్ అండ్ అదర్ పోయెమ్స్’ వంటి గ్రంథాలు ఆయనకు గొప్ప పేరుప్రఖ్యాతులు తెచ్చిపెట్టాయి. జాతీయ, అంతర్జాతీయ పత్రికలలో ఆయన రచనలు అనేకం ప్రచురితమైనాయి. కవి ఫొన్ నంబర్ +91 83093 76172

Related Articles

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -spot_img

Latest Articles