Saturday, July 20, 2024

రాజకీయం

టెన్నిస్ అంటే ఇష్టం,

జాన్ మెకంరో అంటే మరీ!

అతని రాకెట్ ఊపు కంటే నాలిక ఊపేది ఎక్కువ.

బాలు కొట్టే వేగం కన్నా

అతని బూతుల రాగం గొప్ప.

వాడి మాచి మిస్సయిందే లేదు!

రాజకీయలన్న నాకంతే!

నేనెవరికి ఓటేస్తే ఎం?

వాళ్లు ప్రజా ధనం ఎంత దోచేస్తే ఎమ్?

పాత బస్తీ లో ఎప్పుడో ఓసారి,

చట్ట సభలలో ఎప్పుడూ…

వాళ్లు కొట్టుకొంటుంటే బాగుంటుంది,

బండ బూతులు తిట్టుకొంటుంటే బాగుంటుంది!

అంతటితో నా కుతి తీరదు.

పొద్దున్నే సాక్షి, జ్యోతి, ఈనాడు వగైరా వగైరా,

రంజు గా ఆ కథలు చదువుతోంటే

ఆహా! రాజకీయం అంటే ఇదిగా!

ఎంత సందడి, ప్రజలకు ఎంత వినోదం!

నేను మళ్ళీ ఓటు వేస్తా, మళ్ళి మళ్లీ ఓటు వేస్తా,

ప్రతి ఎన్నికల పండుగకు

 మైళ్ళు, మైళ్ళు నడచి పోయి మరీ ఓటు వేస్తా!

వాళ్ళకే వేస్త!

 ఎంత వెధవలైతే అంత వినోదం

ఎంత దుర్మార్గులు అయితే అంత రసవత్తరం!

ఎంత వంచకులైతే అంత ఆసక్తికరం!

ఇంకేమి కావాలి సగటు ఓటరుకు!?

బాగా తెలిసి మోసపోవడంలో ఆ ఆనందమే వేరు!

అసలు మోసమనే మహా వృక్షానికి

రాజకీయమే తల్లివేరు!

Also read: ద్వంద్వాలు

Also read: కాలం

Also read: ఇజం

Also read: మరపు

Also read: ప్రకృతి

MAHATHI
MAHATHI
మైదవోలు వేంకటశేష సత్యనారాయణ కలం పేరు మహతి. ఆయన ఇంగ్లీషులో ప్రఖ్యాతిగాంచిన కవి. భారతీయ ఇతిహాసాన్నీ, పురాణాలనూ తన సుదీర్ఘమైన గేయాల ద్వారా ప్రపంచంలో, ముఖ్యంగా పాశ్చాత్య దేశాలలో ప్రచారం చేసే మహాప్రయత్నంలో ఉన్నారు. ఛందోబద్ధంగా ప్రాచీన శైలిలో గేయాలు రాయడానికి ఇష్టపడతారు. స్వేచ్ఛాగీతాల రచనకు విముఖులేమీ కాదు. ‘ఫైండింగ్ ద మదర్ (శ్రీ సుందరకాండ),’ ‘హరే కృష్ణ,’ ‘ఓషన్ బ్లూస్,’ ‘ద గాంజెస్ అండ్ అదర్ పోయెమ్స్’ వంటి గ్రంథాలు ఆయనకు గొప్ప పేరుప్రఖ్యాతులు తెచ్చిపెట్టాయి. జాతీయ, అంతర్జాతీయ పత్రికలలో ఆయన రచనలు అనేకం ప్రచురితమైనాయి. కవి ఫొన్ నంబర్ +91 83093 76172

Related Articles

1 COMMENT

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -spot_img

Latest Articles