Friday, July 19, 2024

దేశాన్ని సానిటైజ్ చేద్దాం!

ఈ దేశానికి కొత్త వైరస్ సోకింది.

జాగ్రత్తగా ఉండండి!

ఇది ప్రశ్నను కాపుకాచి హత్య చేస్తుంది

ముస్లింలు, మైనారిటీలు, దళితులపై

బాహాటంగానే దాడి చేస్తుంది

ఊపిరి పీల్చుకుంటే వదలనివ్వదు

వదిలితే పీల్చుకోనివ్వదు ఈ వైరస్!

గడ్డకట్టే చలిలోఅక్కడ

రైతులకు రక్తపరీక్షలు చేయిస్తుంది

బ్యాంకులో నాలుగు డబ్బులుంటే చాలు

లాగేసుకుని, నిన్ను రోడ్డున పడేస్తుంది

కాపలాదారు వైరస్ రూపంలో వచ్చి

చేతిలో చిల్లి గవ్వ ఉండనివ్వడు

వైరస్ ‘చాయ్ వాలా’గా వచ్చేసి

మన చాయ్ మనల్ని తాగనివ్వడు

ఈ వైరస్ ఇంటికి ఎలా వస్తుందో

మనకే తెలయట్లేదు-

గ్యాస్ బండతో వస్తోందా?

బండిలో పెట్రోలుతో వస్తోందా?

కూరగాయలతో వస్తోందా?

సరుకులతో వస్తోందా?

జనాలతో కలిసిమెలసి ఉండొద్దని

చెపుతోంది వైరస్

కులాల పేరుతో, మతాల పేరుతో

వేరు చేస్తుంది వైరస్-

మనుషులంతా ఒక్కటే అన్నవాణ్ణి

పక్కదేశం పొమ్మంటుంది వైరస్

ఆవుపేడ రాసుకొని …ఈ వైరస్,

ఆవుమూత్రం తాగుతుంది!

నినాదాల్లేవ్, హక్కుల్లేవ్, పోరాటాల్లేవ్

ఎక్కువ మాట్లాడితే

నువ్వు ఈ దేశ పౌరుడవని రుజువేంటి?

అని ప్రశ్నిస్తుంది వైరస్!

దేశభక్తి – చెట్టుపేరు చెప్పి కాయలు అమ్ముకుంటుంది

చదువుకున్నవారి చదువులన్నీ

ఈ వైరస్ తో చంకనాకి పోతాయ్

అబద్ధాల ఫ్యాక్టరీలో ఉన్నతాధికారులవుతారు.

చెవుల్లో పూలు పెట్టి వైరస్,

వీరితో భజన చేయిస్తుంది

శరీరభాగాల్లో కాకుండా ఈ వైరస్,

కేవలం మెదడ్లలో తిష్టవేస్తుంది-

ఆలోచనల్ని తొలిచేసి డొల్లగా చేస్తుంది

రోడ్డు మీద మనుషులు తిరగాలి

కానీ, ఎవరిలోనూ మనిషతత్వం ఉండకూడదు

మానవత్వం మిగలకూడదు

అయితే, మరి ఇప్పుడు ఏం చేద్దాం?

నువ్వూ, నేనూ సానిటైజర్ రుద్దుకుంటూ

కూర్చుంటే కాదురా తమ్ముడూ!

లే, దేశాన్నికేకెయ్, అందర్నీ పిలు

ఈ దేశాన్ని సానిటైజ్ చేయాల్సి ఉంది!

రండి! ఈ దేశాన్ని సానిటైజ్ చేద్దాం!! రండి…రండి!!

Also read: సంత్ కబీర్ మానవవాద కవితలు

Dr. Devaraju Maharaju
Dr. Devaraju Maharaju
సుప్రసిద్ధ సాహితీవేత్త, జీవశాస్త్రవేత్త

Related Articles

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -spot_img

Latest Articles