Saturday, January 29, 2022

సహచరిత

నదులు, కొండలు, పట్టణాలు దాటి వెళ్ళా

నా సామ్రాజ్యలక్ష్మిని నాతో తెచ్చుకోడానికి

భీతహరినేక్షణ నాతో బయలుదేరింది పరివారాన్ని వదిలి

వారితోవీరితోనే కాదు, నాతోనూ నేను యుద్ధం చేశా

తనను నాతో కలుపుకోడానికి

సంశయాలన్ని పటాపంచలు చేసి

ఉద్విగ్న మనసుకు ఊరటనిచ్చే నా దేవిగా నిలిపా

శాంతం, సరళం, లలితం కలబోసిన మూర్తి

వెనువెంటరాగా ధీరోదాత్తంగా ముందు నడిచా.

మా పూదోటలో పూలు పూశాయి మా ఆశల ప్రతిరూపాల్లా

ఒడిదుడుకులు లేని మహానదిలా ప్రయాణం సాగింది.

కాలం తెచ్చిన మార్పులు, సంఘం చెక్కిన ముక్కలు

స్వభావంలో చేర్పులు సహజంగానే జరిగాయి.

కాని అంతర్లీనంగా మార్దవం, సుహృద్బావం ఉంటూనే ఉన్నాయి.

ఈ సహచర్యం చివరిదాకా కొనసాగాలని కోరుకుంటా

ఆ దేవదేవుని వేడుకుంటా, వేడుకుంటా.

Also read: చందమామ

Also read: అందం

Also read: పాత్రధారి

Also read: ఈశ్వరా

Also read: కొత్త సంవత్సరం

Prof. Rajendra Singh B
రాజేంద్ర సింగ్ బైస్ ఠాకూర్. చదివింది ఆంగ్ల సాహిత్యం అయినా తెలుగులో కవిత్వం రాస్తారు. ఇతనికి స్వామి చిన్మయానంద, సాయినాధుని శరత్ బాబుజీల కొన్ని రచనల్ని తెలుగులోకి అనువదించే అవకాశం లభించింది. కొన్ని సాహిత్య విమర్శనాత్మక వ్యాసాలు రాశారు త్రివేణి, మిసిమి లాంటివాటిలో. చెప్పదలచుకున్నది కొద్ది మాటల్లోనే వ్యక్త పరచడం ఇతని కవిత్వ లక్షణం. భావుకత, లోతైన ఆలోచన, ఆధునికత, వేదంత విషయాలపై మక్కువ,భాషపై పట్టు ఇతని కవితలలో కనిపిస్తాయి.

Related Articles

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -

Latest Articles