Monday, November 28, 2022

‘‘వసంతం’’

వసంత కాలం

మావి చిగుళ్ళు

కోయిల గానాలు

కవి సమ్మేళనాలు

పాడేసిన పాట.

నేటి మాట

ప్రాణాంతక మహమ్మారి

మూడో ప్రపంచ యుద్ధం

ఆర్ధిక ఆంక్షలు

ఆధిపత్య ఆరాటం

సుఖం కోసం పోరాటం

సుఖమే సంతోషమనుకునే మూర్ఖత్వం.

మంచి కోసం యుద్ధం అంటాడొకడు

నన్ను కాదంటే చంపుతానంటాడు మరొకడు

ప్రేమ అన్న వాడిని పాతేశాం

అహింస అన్నవాడిని తరిమేశాం

సత్యం అన్నవాడిని చంపేశాం

శాంతి అనే ధైర్యం లేకుండా చేశాం.

ఉదాత్త ప్రవర్తనకు బూజు పట్టించాం

మంచి వాడిని చేతగాని వాడిని చేశాం

నేరాలు చేసిన వాళ్లను హీరోలు చేశాం

పక్కా లోకల్అనే సంకుచితత్వానికి జై అంటున్నాం

తగ్గేదే ల్యాఅనే అహంకారిని ఆదర్శంగా తీసుకున్నాం

రాముడు, బుద్దుడు, గాంధీలు బ్రతికుంటే

ఉరేసి చంపేసే వాళ్లం.

మరి వసంత కాలం ఇలా వస్తుందా ఇప్పుడు?!

Also read: పరిణామం

Also read: మహిళా దినం

Also read: జీవిత పరమార్ధం

Also read: వేరు

Also read: కవిత్వం

రాజేంద్ర సింగ్ బైస్ ఠాకూర్
రాజేంద్ర సింగ్ బైస్ ఠాకూర్. చదివింది ఆంగ్ల సాహిత్యం అయినా తెలుగులో కవిత్వం రాస్తారు. ఇతనికి స్వామి చిన్మయానంద, సాయినాధుని శరత్ బాబుజీల కొన్ని రచనల్ని తెలుగులోకి అనువదించే అవకాశం లభించింది. కొన్ని సాహిత్య విమర్శనాత్మక వ్యాసాలు రాశారు త్రివేణి, మిసిమి లాంటివాటిలో. చెప్పదలచుకున్నది కొద్ది మాటల్లోనే వ్యక్త పరచడం ఇతని కవిత్వ లక్షణం. భావుకత, లోతైన ఆలోచన, ఆధునికత, వేదంత విషయాలపై మక్కువ,భాషపై పట్టు ఇతని కవితలలో కనిపిస్తాయి.

Related Articles

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -

Latest Articles