Saturday, October 1, 2022

వేదన

                             ——–

(‘PAIN ‘FROM  ‘THE PROPHET’  BY KAHLIL GIBRAN)

అనువాదం: డా. సి. బి. చంద్ర మోహన్

                        —————-

వేదన–

      నీ అవగాహనపైన,   పెంకు లాంటిది

      పండులోని  గట్టి టెంక పగిలి

      గుండె లాంటి గింజపై  ఎండ  పడినట్లు

      నీ వేదనను అర్థం చేసుకో !

       మహిమాన్విత జీవనం

       నీ హృదయాన్ని

       ఆశ్చర్యానందానుభూతులకు

       గురి చేసినట్లే —

       వేదనాభరిత హృదయం కూడా

       అనుభూతి చెందుతుంది !

         వనాలపై  ఋతు ఆగమనాలను అంగీకరించినట్లు

          హృదయ ఋతువులనూ అర్థం చేసుకో !

          దుఃఖ భరిత శీతలాల్ని

          ప్రశాంతతతో గమనించు !

         నీ వేదనలో చాలా భాగం స్వీయ ఎంపికయే !

          రోగగ్రస్త  ఆత్మను  నయం చేసే

          అంతర్గత వైద్యుని చేదు కషాయమే

                 — ఈ వేదన !

          అంతరంగ వైద్యుని విశ్వసించు !

          ఔషధం నిశ్శబ్దంగా, ప్రశాంతంగా త్రాగు !

           ఆ వైద్యుని హస్తం

           మోటుగా, మోపుగా ఉండుగాక !

            కానీ —

            ఒక మృదు, అదృశ్య హస్తం

            దాన్ని నడిపిస్తుంది !

             ఆ వైద్యుని ఔషధ పాత్ర

             నీ అధరాలను మండించు గాక !

             కానీ–

             ఆ పాత్ర   ‘కుమ్మరి ‘  తన పవిత్ర భాష్పాలతో

              మట్టిని కలగలిపి  చేసినది !

Also read: మూడు కానుకలు

Also read: 12. ప్రవక్త — పసివాడు

Also read: సౌందర్యం

Also read: ప్రజలే ప్రభువులు

Also read: సన్యాసి – జంతుజాలం

Dr. C. B. Chandra Mohan
మనుషుల్నీ, జీవితాల్నీ, సాహిత్యాన్నీ ప్రేమించేవాళ్ళు మంచి రచయితలు కాగలుగుతారు. ఇన్నిమంచి లక్షణాలూ పుష్కలంగా ఉన్న అరుదైన రచయిత డాక్టర్ సీబీ చంద్రమోహన్. మొబైల్ 9440108149

Related Articles

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -

Latest Articles