Friday, March 29, 2024

మరపు

ఒకప్పుడు…

నే చేసిన మంచంతా

ప్రపంచం మరచిపోయిందని మధన పడేవాడిని.

నే చేసిన చెడూ మరచిపోతోందని

తెలిసినప్పుడు ఇక చింత లేదు.

ఇప్పుడంతా మారిపోయింది…

కీర్తి కండూతి లేదు, నిందా భయము లేదు.

వేసవి కాలం లో ఎండిపోయిన

కొండ చెలమలా పొడిపొడిగా

భావశూన్యంగా మనసు నిర్లిప్తతను

సంతరించుకుంది.

ఇప్పుడు నా అడుగులు

తడబడడం లేదు.

అనుమానంతో అటూ ఇటూ

దిక్కులు చూసే చూపులు

ఒక నూతన నిశ్చలత తో చిక్కబడి

చక్క బడ్డాయి.

పరిచయస్థుల ను చూసినపుడు

కనుబొమ్మలు ఎగరడం లేదు.

శత్రువులు ఎదురు పడ్డప్పుడు

కళ్ళు ఎర్రబడడం లేదు.

కానీ నా మనసు మాత్రం

 ముసిముసిగా నవ్వుకుంటుంది.

నాకు  తెలుసు

వాళ్ళల్లో చాలామంది నన్ను గుర్తు పట్టటం లేదు!

నేను వాళ్లలో చాలామందిని గుర్తు పట్టటం లేదు.

నిజమే…

కాలగమనం లో మల్లె దండలు వడలి పోతాయి

గాయాల మచ్చలు మాసిపోతాయి

మరకలు మాయమౌతాయి.

అవును…మరపు మంచిదే!

Also read: ప్రకృతి

Also read: ఆమె

Also read: మహా ప్రస్థానం

Also read: దాచుకున్న దుఃఖం

Also read: నమ్మకం

MAHATHI
MAHATHI
మైదవోలు వేంకటశేష సత్యనారాయణ కలం పేరు మహతి. ఆయన ఇంగ్లీషులో ప్రఖ్యాతిగాంచిన కవి. భారతీయ ఇతిహాసాన్నీ, పురాణాలనూ తన సుదీర్ఘమైన గేయాల ద్వారా ప్రపంచంలో, ముఖ్యంగా పాశ్చాత్య దేశాలలో ప్రచారం చేసే మహాప్రయత్నంలో ఉన్నారు. ఛందోబద్ధంగా ప్రాచీన శైలిలో గేయాలు రాయడానికి ఇష్టపడతారు. స్వేచ్ఛాగీతాల రచనకు విముఖులేమీ కాదు. ‘ఫైండింగ్ ద మదర్ (శ్రీ సుందరకాండ),’ ‘హరే కృష్ణ,’ ‘ఓషన్ బ్లూస్,’ ‘ద గాంజెస్ అండ్ అదర్ పోయెమ్స్’ వంటి గ్రంథాలు ఆయనకు గొప్ప పేరుప్రఖ్యాతులు తెచ్చిపెట్టాయి. జాతీయ, అంతర్జాతీయ పత్రికలలో ఆయన రచనలు అనేకం ప్రచురితమైనాయి. కవి ఫొన్ నంబర్ +91 83093 76172

Related Articles

1 COMMENT

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -spot_img

Latest Articles