Saturday, July 13, 2024

నమ్మకం

మనిషికి మనిషిపై నమ్మకం ఎప్పుడో చచ్చిపోయింది.

 నిజాయితీని నిగ్గు తేల్చడానికి,

నిఖార్సయిన సాక్ష్యం అవసరం అయ్యింది.

పరస్పర విశ్వాసం నశించిన ప్రపంచంలో

రాజదండాలు రాజ్యాలు పాలించాయి,

రాజముద్రలు మనిషి గుర్తులు చెప్పాయి,

లిఖిత చట్టాలు సమాజాన్ని నేడు

కట్టుబాటు పట్టాలపై నడిపిస్తున్నాయి.

నోటి మాటకు విలువ మాసిపోయి

నోటు పైని చిక్కని చేవ్రాలు

విముఖ సమ్మతికి రాత ఊతం ఇచ్చింది.

మంచి నడత నలిగిపోయి

చుక్కల గీతల పై చేసిన తడబాటు సంతకం

అతన్ని భవిష్యత్తుకు బందీ చేస్తోంది.

శ్రుతం విస్మృతి పవనాలకు చిక్కి

గతం లోకి జారుకొంటుంది.

లిఖితం మరి ప్రతిజ్ఞాత రజ్జువు తో బంధించి

భవిష్యత్తు లోనికి ఈడ్చుకువెళుతుంది.

అందుకే విదిత వాగ్దానాలు నిర్వీర్యమయినాయి…

కలానికి కండ పట్టింది.

కాలం కాగితం పై వొలికించిన వ్యక్తాక్షరం

వ్యవహారానికి ఆలంబన అయ్యింది.

రాత కోతల జాలికా జాలం లో చిక్కి మనిషి

శుష్క తంతుల మార్గాల లో

విధిలేక అడుగులు వేస్తున్నాడు.

పరమాత్మ మాత్రం ఏమి చేయగలడు?

స్తోత్రాలలో స్వయంభూ అని రాయించుకున్నాడు.

Also read: గొర్రె

Also read: యుద్ధము… శాంతి

Also read: ఎరుపు-తెలుపు

Also read: వర్షం

Also read: అమ్మ

MAHATHI
MAHATHI
మైదవోలు వేంకటశేష సత్యనారాయణ కలం పేరు మహతి. ఆయన ఇంగ్లీషులో ప్రఖ్యాతిగాంచిన కవి. భారతీయ ఇతిహాసాన్నీ, పురాణాలనూ తన సుదీర్ఘమైన గేయాల ద్వారా ప్రపంచంలో, ముఖ్యంగా పాశ్చాత్య దేశాలలో ప్రచారం చేసే మహాప్రయత్నంలో ఉన్నారు. ఛందోబద్ధంగా ప్రాచీన శైలిలో గేయాలు రాయడానికి ఇష్టపడతారు. స్వేచ్ఛాగీతాల రచనకు విముఖులేమీ కాదు. ‘ఫైండింగ్ ద మదర్ (శ్రీ సుందరకాండ),’ ‘హరే కృష్ణ,’ ‘ఓషన్ బ్లూస్,’ ‘ద గాంజెస్ అండ్ అదర్ పోయెమ్స్’ వంటి గ్రంథాలు ఆయనకు గొప్ప పేరుప్రఖ్యాతులు తెచ్చిపెట్టాయి. జాతీయ, అంతర్జాతీయ పత్రికలలో ఆయన రచనలు అనేకం ప్రచురితమైనాయి. కవి ఫొన్ నంబర్ +91 83093 76172

Related Articles

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -spot_img

Latest Articles