Saturday, January 29, 2022

అనాచ్ఛాదితము

CLOTHES

——————-

   (From “Prophet” by KAHLIL GIBRAN)

(అనుసృజన Dr. C. B. Chandra Mohan)

—————–

       వస్త్రాలు,

                    నీ అంద విహీనాన్ని   కప్పలేవు గానీ,

                     నీ సౌందర్యానికి   ముసుగేస్తాయి!

     అవి,

                     నీ  గోప్యతను  కాపాడతాయి  గానీ

                      నీకు ముకు తాళ్ళుసంకెళ్ళు                      

                      అవుతాయి!

                      అరుణ కిరణాల్ని

                       పవన  వింజామరల్ని

                       వస్త్ర రహితం  గానే

                       బాగా  ఆస్వాదిస్తావు!

    ఎందు కంటే,

                      సూర్యుడు  నీ  శ్వాస,

                       వాయువు  నీ  రక్షకుడు!

    కొంత మంది  అంటారు కదా

                      “ఉత్తర ఋతు పవనాల 

                        మంచు గాలులే

     ఈ  దుస్తుల  నేతకు  కారణమని!”

     ఔను నిజమే!

              ఈ నేత గాళ్లకు  సిగ్గే– మగ్గం,

              జంతు శకలం — దారం!

     “ఏదో సాధించామన్నట్లు”

        అడవిలో  వికటాట్టహాసం  చేస్తారు!

      పాడు దృష్టి ఉన్నవారికే

            “మర్యాద” ఒక కవచం.

      ఆత్మశుధ్ధి కలవారికి

              అది  ఒక  సంకెల,

                ఒక  మనో భారం!

       ‘నేల తల్లి  నీ  పాదాలు ముద్దాడాలని తపిస్తుంది!

       పవనుడు నీ  ముంగురులతో

      సయ్యాట లాడాలని   వాంఛిస్తాడు!

                అని  తెలుసుకో!

     (https://www.poetryfoundation.org/poems/148574/on-clothes)

Also read: విపణి వీథి

Also read: వాంఛ

Also read: సంచారి తత్త్వాలు

Also read: సంచారి “తత్త్వాలు”

Also read: నా లోని నిజం

Dr. C. B. Chandra Mohan
మనుషుల్నీ, జీవితాల్నీ, సాహిత్యాన్నీ ప్రేమించేవాళ్ళు మంచి రచయితలు కాగలుగుతారు. ఇన్నిమంచి లక్షణాలూ పుష్కలంగా ఉన్న అరుదైన రచయిత డాక్టర్ సీబీ చంద్రమోహన్. మొబైల్ 9440108149

Related Articles

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -

Latest Articles