Thursday, March 28, 2024

చరిత్ర

ఏమున్నది చరిత్ర మొత్తము

అది నెత్తుటి రాతల పొత్తము.

కాల పథం అడుగడుగునా

కాలుని పద ముద్రలు.

రెప రెప లాడే ఆస్థి పతాకాలు.

 మైలు రాళ్లు.

ఒక్క రాజు కోసం  ఆహవాగ్ని లోనికి

తథ్య మరణం వైపు  పరుగులు లెత్తే

అక్షౌహిణీ ల సైన్యం…

ఒక్క కుటిల నాయకుని నమ్మి

తమను తాము తగలబెట్టుకొనే

అమాయకపు ప్రజానీకం.

తల్లి  ధరణీ  శరీరం

యుగ యుగాలుగా ఎంత రక్త తప్తమైనదో కదా?

ఎన్ని మాంసపు ముద్దలు

కుళ్ళి, కరిగి ఆమెలో కలసి పోయినవో కదా?

ఎన్ని ఎముకల విరిగి ముక్కలై

చిక్కుకున్నవో కదా.

మిత్తి శివమెత్తి ఆడిన ఈ ధరిత్రి పైన

మృత్తికా శేషమెంత

విగత జీవుల మజ్జా మాంస అవశిష్టం ఎంత?

ఆగు మిత్రమా ఆగు…

నీ అరచేతిలోని అర్ఘ్యం

అధరాలను తాక నివ్వకు…

అది మధుర జలం కాదు సుమా.

నీ ముందటి తరాల

వేల వేల  తాత ముత్తాతల

వెచ్చటి రుధిరం.

Also read: భాష్పాంజలి

Also read: చందమామ

Also read: పగటి కలలు

Also read: భాష

Also read: సన్మానం

Previous article
Next article
MAHATHI
MAHATHI
మైదవోలు వేంకటశేష సత్యనారాయణ కలం పేరు మహతి. ఆయన ఇంగ్లీషులో ప్రఖ్యాతిగాంచిన కవి. భారతీయ ఇతిహాసాన్నీ, పురాణాలనూ తన సుదీర్ఘమైన గేయాల ద్వారా ప్రపంచంలో, ముఖ్యంగా పాశ్చాత్య దేశాలలో ప్రచారం చేసే మహాప్రయత్నంలో ఉన్నారు. ఛందోబద్ధంగా ప్రాచీన శైలిలో గేయాలు రాయడానికి ఇష్టపడతారు. స్వేచ్ఛాగీతాల రచనకు విముఖులేమీ కాదు. ‘ఫైండింగ్ ద మదర్ (శ్రీ సుందరకాండ),’ ‘హరే కృష్ణ,’ ‘ఓషన్ బ్లూస్,’ ‘ద గాంజెస్ అండ్ అదర్ పోయెమ్స్’ వంటి గ్రంథాలు ఆయనకు గొప్ప పేరుప్రఖ్యాతులు తెచ్చిపెట్టాయి. జాతీయ, అంతర్జాతీయ పత్రికలలో ఆయన రచనలు అనేకం ప్రచురితమైనాయి. కవి ఫొన్ నంబర్ +91 83093 76172

Related Articles

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -spot_img

Latest Articles