Saturday, October 16, 2021

ఫ్లెమింగో-14

నిన్న పుట్టిన నారాయణ కొంగ

ఈ నేల ఉప్పు తిన్న జలరాచిల్క

ఈ చెట్టుగూట్లో పీల్చిన తొలి ఊపిరి

మరువగలుగుతుందా విదేశీ శబరి

ఫెలికాన్ కన్న రంగురంగుల కలలు

ఇక్కడి రాత్రిళ్ళు కొసరిన ఆశల కుసుమాలు

నేలపట్టు మట్టివాసన మరుపురాని మలయ సమీరం

ఎర్ర తీతువు విస్మరిస్తుందా ప్రణయ రాగలీలా విహారం భారతీయ పర్యావరణంలోనే నిండి పోయింది

కృతజ్ఞతా భావాల అమల తంతు వాయులీనం

నేల అఖండం నింగి అంఖండం

కాలప్రవాహం లాగే జలసంద్రం అఖండం

వీటిని పరదేశి పక్షులన్న వాడు ఎవడో

 వలసత్వం వారసత్వం చేసినవాడెవడో 

ఇక్కడి పల్లె నుండి వెళ్లి

అగ్రరాజ్యంలో పిల్లను కంటే

ఆకుపచ్చ పతకంతో పాటు

పౌరసత్వాన్ని దక్కించుకున్నట్లు

ఇక్కడ పెట్టిన గుడ్డు పరాయిదెట్లౌతుంది 

ప్రళయకావేరీలో పెరిగిన పరిగె ప్రాసెలా మారుతుంది

ఈ నేల గుర్తుండి పోతుంది ప్రతి పక్షికి

అందుకేగా తరలి వస్తుంది యేటేటా జన్మభూమికి..!!

Also read: ఫ్లెమింగో-13

Also read: ఫ్లెమింగో-12

Also read: ఫ్లెమింగో-11

Also read: ఫ్లెమింగో-10

Also read: ఫ్లెమింగో-9

Perugu Ramakrishna
కవి పరిచయం..! 1975 లో 10 వ తరగతిలోనే తొలికవిత రాసి కవిత్వ యాత్ర మొదలెట్టిన కవి. కవిత్వమే ఊపిరిగా జాతీయ , అంతర్జాతీయ కవిగా ఎదిగిన సుపరిచితులు. వెన్నెల జలపాతం(1996) , ఫ్లెమింగో (దీర్ఘ కవిత2006), నువ్వెళ్ళిపోయాక (దీర్ఘకవిత2003), ముంజలు (మినీకవితలు2007) పూలమ్మిన ఊరు (2012) ఒకపరిమళభరిత కాంతి దీపం(2017), దూదిపింజల వాన (2020) మరియు మొత్తం 26 ప్రచురితాలు ..అంతేగాక సుమారు 200 అంతర్జాతీయ సంకలనాల్లో తన ఆంగ్ల అనువాద కవితలు నమోదు చేసుకున్న అరుదైన భారతీయ తెలుగు ప్రాంత కవి. 15 దేశాలు కవిత్వం కోసం పర్యటించి పలు విశ్వ వేదికలపై తెలుగు కవితా వాణి బలంగా వినిపించిన విశేష కవి. రంజని -కుందుర్తి ప్రధాన అవార్డ్ , ఎక్స్ రే ప్రధాన అవార్డ్ లతో మొదలెట్టి సుమారు 100 విశిష్ట అవార్డ్ లు ,2008 లో ఉమ్మడి ఆంధ్రప్రదేశ్ ముఖ్య మంత్రి డా వై యస్సార్ ద్వారా రాష్ట్ర ఉగాది విశిష్ట పురస్కారం, గ్రీస్ , జపాన్, మలేషియా, కెనడా, అమెరికా, చెక్ రిపబ్లిక్ , ఘనా, సింగపూర్, లాంటి ఎన్నో దేశాల పురస్కారాలు , తాజాగా 2019 భారత స్వాతంత్ర్య దినం సందర్భంగా గుజరాత్ సాహిత్య అకాడెమీ పురస్కారం ..లాంటి ఎన్నో ప్రతిష్టాత్మక గౌరవాలు పొందారు. చెక్ రిపబ్లిక్ (2016) మెక్సికో (2019) లనుండి రెండు గౌరవ డి లిట్ లు అందుకున్నారు. వీరి రెండు కవితా సంపుటుల మీద రెండు విశ్వ విద్యాలయాలు ఎం.ఫిల్ డిగ్రీలు ప్రదానం చేయగా , మద్రాసు విశ్వ విద్యాలయంలో మొత్తం కవిత్వ గ్రంధాల పై పి హెచ్ డి పరిశోధన జరుగుతుంది. వీరి కవిత్వం పలు భారతీయ భాషల్లోకి స్పానిష్, ఫ్రెంచి, జపాన్, గ్రీస్, అల్బేనియా, రుమేనియా, అరబ్ లాంటి ప్రపంచ భాషల్లోకి అనువాదమై ప్రచురణ పొందింది.

Related Articles

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -

Latest Articles