Thursday, December 8, 2022

అనాథ

అతనో అనాథ…నాటకాలంటే ఎంత ఇష్టమో!

ఆ నాటకాలలో అతనొక్కడే నటుడు, అతనొక్కడే ప్రేక్షకుడు.

అదే నాటకం ఎన్నిసార్లు ఆడాడో, అన్నిసార్లూ చూసాడు.

అలసట లేదు, చూసింది చూస్తున్నాననే విసుగు రాదు.

వైవిద్యం కోరుకుంటాడు…అతనే రాముడు…విగ్రహవాన్ ధర్మః

 ‘రతి ప్రతిక్షణం మమ’ అనే నిగ్రహం లేని రావణుడు అతనే. ..

మహా పతివ్రత  సీతగా…అందమైన ఆడవేషం ఆయనే వేస్తాడు!

 విచ్చలవిడిగా పరపురుషుడి పొందు కోరిన

వన్నెలాడి హెలెన్ గా వ్యామోహ వ్యాసనాల వికారాలను చూపుతాడు.

బహుశా ఇది ఆత్మరతి…అందులోనే అంతులేని ఆనందం.

అందుకే అప్పుడప్పుడు పరవశంలో వశం తప్పి

యోగనిద్రలోకి జారుకుంటాడు.

అప్పుడే ఆటబొమ్మలు అసురీ విషం తాగి కరాళ  నృత్యం ఆరంభిస్తాయి.

ప్రపంచాన్ని మాయ కమ్ముకొని

కర్కశ కసాయి వ్యసనాలను వ్యాపింపచేస్తుంది.

నిద్రలేచిన అనాథకు అప్పుడే తెలుస్తుంది

తన నాటకం వేరెవరో ఆడుతున్నారని…

ఇంక జాగుచేయడు…పతాక గీతం ఆలపిస్తాడు,

తెరలు దించేస్తాడు.

Also read: రూపం

Also read: గాయం

Also read: పగిలిన గాజు పెంకు

Also read: జగన్నాథ రథచక్రాలు

Also read: నేను చెప్పని కతలు

MAHATHI
మైదవోలు వేంకటశేష సత్యనారాయణ కలం పేరు మహతి. ఆయన ఇంగ్లీషులో ప్రఖ్యాతిగాంచిన కవి. భారతీయ ఇతిహాసాన్నీ, పురాణాలనూ తన సుదీర్ఘమైన గేయాల ద్వారా ప్రపంచంలో, ముఖ్యంగా పాశ్చాత్య దేశాలలో ప్రచారం చేసే మహాప్రయత్నంలో ఉన్నారు. ఛందోబద్ధంగా ప్రాచీన శైలిలో గేయాలు రాయడానికి ఇష్టపడతారు. స్వేచ్ఛాగీతాల రచనకు విముఖులేమీ కాదు. ‘ఫైండింగ్ ద మదర్ (శ్రీ సుందరకాండ),’ ‘హరే కృష్ణ,’ ‘ఓషన్ బ్లూస్,’ ‘ద గాంజెస్ అండ్ అదర్ పోయెమ్స్’ వంటి గ్రంథాలు ఆయనకు గొప్ప పేరుప్రఖ్యాతులు తెచ్చిపెట్టాయి. జాతీయ, అంతర్జాతీయ పత్రికలలో ఆయన రచనలు అనేకం ప్రచురితమైనాయి. కవి ఫొన్ నంబర్ +91 83093 76172

Related Articles

1 COMMENT

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -

Latest Articles