Friday, March 29, 2024

దేవుడా రక్షించు నా దేశాన్ని!




ఎవరికి వారే 
ఏకాంత ద్వీపాలై ,
స్పర్శా తీరానికి చేరకుండా 
కరోనా శిల తాకిడి తో 
ముక్కలైన శకలాలై ,
అనివార్య విషాద 
అగమ్య గోచర 
సంచార రోదనలై,
సూక్ష్మ క్రిమి 

స్ధూల దుఃఖమై 
దిగబడుతుంటే 
కళ్ళ ముందే కాయాలు 
అంతమైతే 
కరాళ దృశ్యాల 
సృష్టి కర్త ఎవరో ?
నమ్ముకున్న నాయకులే 
నరకానికి రహదారులైతే 
వైద్యమూ విపణి వస్తువై 
ప్రాణాల పణం పెట్టే జూదం 
నిత్యం ప్రవహించే నిర్వేదం !
ముందు చూపు లేని నేతలకు 
మందుచూపూ,జాతీయ జాతరైన 
ఎన్నికలూ,మోళీల కుంభమేళాలూ 
సజావుగా సాగిపోతాయి 
వలసలు వల్లకాటిలో ఆగిపోతాయి !
వాయువే రాహువైనప్పుడు 
ఆయువు దూరమవడం లో ఆశ్చర్యమేముంది ?
దేవుడా రక్షించు నా దేశాన్ని 
పాము పారిపోయాక 
గాలి లో కర్ర సాము చేసే 
ఎర్ర స్వాముల నుండి !
 
 
 

 

వీరేశ్వర రావు మూల
వీరేశ్వర రావు మూల
సాహితి వివరాలు : 1985 నుంచి రాస్తున్నా. వివిధ పత్రికల్లో కధలు,కవితలు,కార్టూనులు వస్తున్నాయి. ఆంగ్లం లో కూడా వంద కి పైగా కవితలు వెబ్ పత్రికల్లో ప్రచురిత మయ్యాయి. వృత్తి : నిర్మాణ రంగం లో ఐటీ విభాగం మేనేజర్ ఉద్యోగం ఆంగ్లం లో Vibrations of my heart Amazon Kindle పుస్తకం గా ప్రచురణయ్యింది.

Related Articles

3 COMMENTS

  1. Reflections of the current situations, a nice poetry for the contemporary political scenario.

LEAVE A REPLY

Please enter your comment!
Please enter your name here

Stay Connected

3,390FansLike
162FollowersFollow
2,460SubscribersSubscribe
- Advertisement -spot_img

Latest Articles